ସମ୍ବଲପୁର IIMର ନବମ ବ୍ୟାଚ ଆରମ୍ଭ, ଏଥର ବ୍ୟାଚରେ 60% ଛାତ୍ରୀ

ସମ୍ବଲପୁର: ସମ୍ବଲପୁର IIMର ନବମ ବ୍ୟାଚ  ଆରମ୍ଭ l ଚଳିତ ବର୍ଷ ନବମ ବ୍ୟାଚରେ 60 ପ୍ରତିଶତ ଛାତ୍ରୀ ଥିବା ବେଳେ ଏହା ସମ୍ବଲପୁର IIMର ସବୁଠାରୁ ବଡ଼ ବ୍ୟାଚ ଅଟେ l ଇନକ୍ଲୁସିବ ଅର୍ଥାତ ସମସ୍ତଙ୍କୁ ସମାନ ଅବସର ଦେବାରେ ସମ୍ବଲପୁର ସମ୍ବଲପୁର IIM ସବୁଠାରୁ ଆଗରେ ରହିଛି l ଏହି ପରିପ୍ରେକ୍ଷୀରେ ଚଳିତ ବର୍ଷର ବ୍ୟାଚ 197ଟି ସିଟ୍‌ରେ ଛାତ୍ରୀମାନେ ନିଜର ସ୍ଥାନ ପକ୍କା କରିଥିବା ସମ୍ବଲପୁର IIMର ନିର୍ଦ୍ଦେଶକ ମହାଦେବ ପ୍ରସାଦ ଜଏସ୍ୱାଲ ସୂଚନା ଦେଇଛନ୍ତି l ଏହି ଅବସରରେରେ ନିର୍ଦ୍ଦେଶକ କହିଛନ୍ତି ଯେ, ସମ୍ବଲପୁର ସମ୍ବଲପୁର IIM ବର୍ତ୍ତମାନର ପ୍ରତିଦ୍ବନ୍ଦିତା ପୂର୍ଣ୍ଣ ବିଜ୍‌ନେସ୍‌ ମାହୋଲରେ ଅନୁକୂଳ ମ୍ୟାନେଜମେଣ୍ଟ ଶିକ୍ଷାର ସବୁ ଦିଗ ବିଷୟରେ ଶିକ୍ଷା ପ୍ରଦାନ କରୁଛି l ନୂଆ ବ୍ୟାଚ ପାଇଁ ନୂତନ କ୍ୟାମ୍ପସରେ ଡିଜିଟାଲ ସ୍ମାର୍ଟ କ୍ଲାସ ରୁମର ବ୍ୟବସ୍ଥା ରହିଛି ବୋଲି ନିର୍ଦେଶକ ସୂଚନା ଦେଇଛନ୍ତି l ସେହିପରି ନବମ ବ୍ୟାଚର ଉଦଘାଟନ ସମାରୋହରେ ବେଦାନ୍ତ ଲିମିଟେଡ୍‌ର ପ୍ରେସିଡେଣ୍ଟ ଡ. ତପନ କୁମାର ଚାନ୍ଦ, ଡେଲାୟଟ କି ପାର୍ଟନର ସୁଶ୍ରୀ ସ୍ୱାତୀ ଅଗ୍ରୱାଲଙ୍କ ସହ ଅନେକ ସମ୍ମାନିତ ଅତିଥି ବୃନ୍ଦ ସାମିଲ ହୋଇଥିଲେ l
ଇଟିଭି ଭାରତ, ସମ୍ବଲପୁର