ପରଦାକୁ ଆସିଲା ଶାହାରୁଖଙ୍କ 'ଡଙ୍କି', ବ୍ରହ୍ମପୁରରେ ଫ୍ୟାନ୍ସଙ୍କ ସେଲିବ୍ରେସନ

ବ୍ରହ୍ମପୁର: ପରଦାକୁ ଆସିଲା କିଙ୍ଗ ଖାନ ଶାହାରୁଖ ଖାନଙ୍କ ଅଭିନୀତ ବହୁ ପ୍ରତୀକ୍ଷିତ କମେଡି ଡ୍ରାମା 'ଡଙ୍କି' । ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଜବରଦସ୍ତ କ୍ରେଜ୍ ଦେଖିବାକୁ ମିଳିଛି । ସହରର ପ୍ରୋକ୍ଷାଳୟ ସମ୍ମୁଖରେ କେକ କାଟି ସେଲିବ୍ରେସନ କରିଛନ୍ତି ଫ୍ୟାନ୍ସ । ଏପରି ଢଙ୍ଗରେ ପ୍ରେକ୍ଷାଳୟ ଆଦଗରେ କିଙ୍ଗ ଖାନଙ୍କ ଫିଲ୍ମକୁ ସ୍ବାଗତ କରିଥିଲେ ଦର୍ଶକ ଓ ପ୍ରଶଂସକ । ଭାରତରେ ଏହି ଫିଲ୍ମର ପ୍ରଥମ ଶୋ' ଆସିବା ପରେ ଦେଶ ସମେତ ବିଦେଶରେ ମଧ୍ୟ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଶାହାରୁଖ ଖାନ ଜଣେ ଅଭିନେତା ଯିଏ ତାଙ୍କର ମଜାଳିଆ ଏବଂ ଆକର୍ଷଣୀୟ ମନ୍ତବ୍ୟ ସହ ସବୁବେଳେ ଫ୍ୟାନ୍ସଙ୍କ ମନ ଜିତିଥାନ୍ତି । ଗୁରୁବାର ଚଳିତବର୍ଷର କିଙ୍ଗଖାନଙ୍କ ଶେଷ ଫିଲ୍ମ ରିଲିଜକୁ ସେଲିବ୍ରେସନ କରୁଥିବା ଫ୍ୟାନ୍ସ ବେଶ ଉତ୍ସାହିତ ରହିଥିଲେ ।  

ଶାହାରୁଖ ଏବଂ ରାଜକୁମାର ହିରାନୀ ଏହି ଫିଲ୍ମ ଶାହାରୁଖଙ୍କ ବ୍ୟତୀତ ତାପସୀ ପନ୍ନୁ, ବିକି କୌଶଲ ଏବଂ ବୋମାନ ଇରାନୀ, ସତୀଶ ଶାହାଙ୍କ ପରି ବଲିଉଡ ଅଭିନେତାମାନେ ଅଭିନୟ କରିଛନ୍ତି । ତେବେ ଶାହାରୁଖ ରାଜକୁମାର ହିରାନୀ ଏବଂ ତାପସୀ, ବିକିଙ୍କ ସହ ପ୍ରଥମ ଥର ପାଇଁ ଏହି ଫିଲ୍ମରେ କାମ କାମ କରିଛନ୍ତି । ତେବେ 'ପଠାନ୍‌' ଏବଂ 'ଯବାନ' ପରି ହିଟ୍ ଫିଲ୍ମ ପରେ ଶାହାରୁଖ ଖାନ ଆଗାମୀ ବଡ଼ ଦିନ ଏବଂ ନବବର୍ଷରେ 'ଡଙ୍କି' ବେଶ ସୁପର ଡୁପର ହେବ ବୋଲି କୁହାଯାଉଛି ।

ଇଟିଭି ଭାରତ, ବ୍ରହ୍ମପୁର