ବର ସାଜିଲା ବାଛୁରୀ, ଧୁମଧାମରେ ଗଲେ ବରଯାତ୍ରୀ

Unique Wedding: ଲକ୍ଷ୍ନୌ: ବାଣ ବାଜା ରୋଶଣୀ ସହ ଗଲେ ବରଯାତ୍ରୀ । ଖୁବ ଧୁମଧାମରେ ହେଲା ବିବାହ । ହେଲେ ଏହି ବିବାହ କୌଣସି ମଣିଷର ନୁହଁ ବରଂ ବାଛୁରୀର । ଏଭଳି ଏକ ନିଆରା ବିବାହ ଦେଖିବାକୁ ମିଳିଛି ଉତ୍ତରପ୍ରଦେଶର ବହରାଇଚରେ । ଯେଉଁଥିରେ ଦୁଇ ବାଛୁରୀ ସାଜିଥିଲେ ବର କନ୍ୟା । ସୂଚନା ଅନୁସାରେ, ରାମପୁର କଟେଲ ଗାଁର ଭଭୂତି ପ୍ରସାଦ ନିଜ ବାଛୁରୀ 'ନଦୀ'ର ବିବାହ ବହରାଇଚର ନିହନିଆ କୁଟ୍ଟୀଙ୍କ ବାଛୁରୀ ନନ୍ଦିନୀ ସହ ସ୍ଥିର କରିଥିଲେ । ଏହାପରେ ବିବାହ ପାଇଁ ଶୁଭ ଲଗ୍ନ ମଧ୍ୟ ସ୍ଥିର ହୋଇଥିଲା । ଏପରିକି ବିବାହ ପୂର୍ବରୁ ନିମନ୍ତ୍ରଣ କାର୍ଡ ମଧ୍ୟ ଛପାଯାଇ ଅତିଥିଙ୍କୁ ନିମନ୍ତ୍ରଣ କରାଯାଇଥିଲା ।  ୨୬ ଡିସେମ୍ବରରେ ବର ପକ୍ଷ ଖୁବ ଧୁମଧାମରେ ବରଯାତ୍ରୀ ନେଇ କନ୍ୟା ଘରେ ପହଞ୍ଚିଥିଲେ । ଯେଉଁଥିରେ ବର ବେଶରେ ଶେରୱାନୀ ପିନ୍ଧି ଟ୍ରାକ୍ଟର ଉପରେ ବସିଥିଲା ବାଛୁରୀ 'ନଦୀ' । ତେବେ ଏହି ନିଆରା ବାଛୁରୀ ବିବାହକୁ ନେଇ ବର୍ତ୍ତମାନ ଚର୍ଚ୍ଚା ଜୋର ଧରିଛି।