ହାଇଦ୍ରାବାଦ: ବଲିଉଡକୁ ଅନେକ ହିଟ୍ ଫିଲ୍ମ ଦେଇଥିବା ନିର୍ଦ୍ଦେଶକ ସଞ୍ଜୟ ଲୀଲା ବଂଶାଲୀଙ୍କ ଜନ୍ମଦିନ ଫେବୃଆରୀ 24 ତାରିଖରେ ଥିଲା, ଯାହାକୁ ସେ ତାଙ୍କର ଆଗାମୀ ଫିଲ୍ମ 'ଲଭ୍ ଆଣ୍ଡ୍ ୱାର୍'ର କଳାକାରଙ୍କ ସହିତ ପାଳନ କରିଛନ୍ତି । ଏହା ସହିତ, ସେ ତାଙ୍କ ଫିଲ୍ମ 'ଗଙ୍ଗୁବାଇ କାଠିଆୱାଡି'କୁ ତିନି ବର୍ଷ ପୂରଣ ନେଇ ଏବଂ ବିକି କୌଶଲଙ୍କ ଫିଲ୍ମ 'ଛାବା' ବକ୍ସ ଅଫିସ ସଫଳତା ମଧ୍ୟ ସେଲିବ୍ରେଟ କରିଛନ୍ତି । ଆଲିଆ ସୋସିଆଲ ମିଡିଆରେ ଜନ୍ମଦିନ ପାଳନର ଏକ ଝଲକ ସେୟାର କରିଛନ୍ତି ।
ଆଲିଆ ଭଟ୍ଟ ଇନଷ୍ଟାଗ୍ରାମରେ ଦୁଇଟି ଫଟୋ ସେୟାର କରିଛନ୍ତି, ପ୍ରଥମ ଫଟୋରେ ରଣବୀର କପୁରଙ୍କ ସହ ସଞ୍ଜୟ ଲୀଲା ବଂଶାଲୀ, ଆଲିଆ ଏବଂ ବିକି କୌଶଲ ନଜର ଆସିଛନ୍ତି । ଦ୍ୱିତୀୟ ଫଟୋରେ, ବିକି କୌଶଲ କେକ୍ କାଟୁଥିବା ନଜର ଆସିଛନ୍ତି । ସଂଜୟ ଲୀଲା ବଂଶାଲୀଙ୍କ ଜନ୍ମଦିନରେ ଶୁଭେଚ୍ଛା ଜଣାଇବା ସହ, ଆଲିଆ ଗଙ୍ଗୁବାଇ କାଠିଆୱାଡି 3 ବର୍ଷ ପୂରଣ ଏବଂ ବିକି କୌଶଲ ବକ୍ସ ଅଫିସରେ ତାଙ୍କ ଫିଲ୍ମ 'ଛାବା'ର ଉତ୍କୃଷ୍ଟ ପ୍ରଦର୍ଶନ ପାଇଁ ଅଭିନନ୍ଦନ ଜଣାଇଛନ୍ତି ।
'ଛାବା' ପାଇଁ ବିକି କୌଶଲଙ୍କୁ ଅଭିନନ୍ଦନ
ଫଟୋଗୁଡ଼ିକ ସେୟାର କରି ଆଲିଆ ଲେଖିଛନ୍ତି, 'ଆମେ ଆମ ନିର୍ଦ୍ଦେଶକଙ୍କ ଜନ୍ମଦିନ ପାଳନ କରିବା ପାଇଁ ରାତିର ସୁଟିଂରୁ ବିରତି ନେଇଥିଲୁ ।' ଜନ୍ମଦିନର ଶୁଭେଚ୍ଛା ଯାଦୁଗର ସାର୍ ଏବଂ ଆମର ଗଙ୍ଗୁଙ୍କୁ 3 ବର୍ଷ ପୂରଣ କରିବା ପାଇଁ ଅଭିନନ୍ଦନ ଏବଂ ଶେଷରେ ବିକି କୌଶଲଙ୍କୁ ଅନେକ ଅନେକ ପ୍ରଶଂସା, ଯାହାଙ୍କ ଫିଲ୍ମ 'ଛାବା' ବକ୍ସ ଅଫିସରେ ଧମାଲ କରୁଛି । ଆସ ଭାଇ, ପାର୍ଟି ସରିଗଲା... ପୁଣି ସୁଟିଂ ପାଇଁ ଯିବା ।'
ଏହା ମଧ୍ୟ ପଢନ୍ତୁ: ସଂଜୟ ଲୀଲା ବଂଶାଲୀଙ୍କ ଆଗାମୀ ଫିଲ୍ମ 'ଲଭ ଆଣ୍ଡ ୱାର'; ଏହି ତାରକା ଆସିବେ ନଜର
'ଲଭ୍ ଆଣ୍ଡ୍ ୱାର୍' କେବେ ମୁକ୍ତିଲାଭ କରିବ ?
'ଲଭ୍ ଆଣ୍ଡ୍ ୱାର୍' ଏକ ମହାକାବ୍ୟିକ ପିରିୟଡ୍ ଡ୍ରାମା ଯେଉଁଥିରେ ରଣବୀର କପୁର, ଆଲିଆ ଭଟ୍ଟ ଏବଂ ବିକି କୌଶଲ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଫିଲ୍ମ ବିଷୟରେ ଅଧିକ ସୂଚନା ପ୍ରକାଶ କରାଯାଇ ନାହିଁ । କିନ୍ତୁ ଦର୍ଶକ ଏହି ଫିଲ୍ମକୁ ଉତ୍ସାହର ସହିତ ଅପେକ୍ଷା କରିଛନ୍ତି । କାରଣ ଯେତେବେଳେ ସଞ୍ଜୟ ଲୀଲା ବଂଶାଲୀ କିଛି ଆଣନ୍ତି, ତାହା ଦମଦାର ହୋଇଥାଏ । ଆଲିଆ ଏବଂ ରଣବୀର ଶେଷ ଥର ପାଇଁ 'ବ୍ରହ୍ମାସ୍ତ୍ର'ରେ ଏକାଠି ନଜର ଆସିଥିଲେ, ପରେ ସେମାନେ ଏହି ଫିଲ୍ମରେ ଏକାଠି ନଜର ଆସିବେ । ଏହି ଚଳଚ୍ଚିତ୍ରଟି ପୂର୍ବରୁ 2025 ଖ୍ରୀଷ୍ଟମାସ ପାଇଁ ସୂଚୀବଦ୍ଧ ହୋଇଥିଲା କିନ୍ତୁ ଏବେ ଏହାକୁ 2026ର ପ୍ରାରମ୍ଭରେ ରିଲିଜ କରାଯିବା ନେଇ କୁହାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
