ICARର ୩୨ତମ ରାଙ୍କରେ ବୌଦ୍ଧର ଲିଙ୍କନ, ରାଜ୍ୟ ପାଇଁ ଆଣିଲେ ଗୌରବ

ବୌଦ୍ଧ: ଆଇସିଏଆର ଭଳି ଜାତୀୟ ସଂସ୍ଥାନର ୩୨ତମ ରାଙ୍କରେ ରହି ଜିଲ୍ଲା ସମେତ ରାଜ୍ୟ ପାଇଁ ଗୌରବ ଆଣିଛନ୍ତି ଲିଙ୍କନ ପଶାୟତ । ଓଡ଼ିଶାରେ 100 ରାଙ୍କ୍‌ ମଧ୍ୟରେ କେବେ କେହି ଏଭଳି ସ୍ଥାନ ପାଇନଥିବା ବେଳେ ଏକ ଗରିବ ପରିବାରର ଯୁବକ ରାଜ୍ୟରେ ବିରଳ ରେକର୍ଡ କରିପାରିଛନ୍ତି । ଏଭଳି ରେକର୍ଡ କରିବାରେ ଲିଙ୍କନ ସାରା ରାଜ୍ୟରେ ପ୍ରଥମ ହୋଇଥିବା ବେଳେ ଜିଲ୍ଲା ପାଇଁ ଗୌରବ ଆଣିପାରିଛନ୍ତି । ଲିଙ୍କନ ପଶାୟତଙ୍କ ପିତା ବୌଦ୍ଧ ବସଷ୍ଟାଣ୍ଡଠାରେ ଏକ ଛୋଟ ସେଲୁନଟିଏ କରି ପରିବାର ପ୍ରତିପୋଷଣ କରନ୍ତି ।  ଲିଙ୍କନ ପ୍ରଥମେ ଜିଲ୍ଲା ସରସ୍ଵତୀ ଶିଶୁ ମନ୍ଦିରୁ ଓ ପରେ ପଞ୍ଚାୟତ ମହାବିଦ୍ୟାଳୟରୁ କୃତିତ୍ଵର ସହିତ ପରୀକ୍ଷାରେ ପାସ ହୋଇଥିଲେ ।  ଚଳିତ ବର୍ଷ ସେ ସର୍ବଭାରତୀୟ ସ୍ତରରେ ପ୍ରତିଷ୍ଠିତ ICARରେ ୩୨ତମ ରାଙ୍କ୍‌ ଅର୍ଜନ କରିପାରିଛନ୍ତି । ଯାହା ଓଡ଼ିଶା ପାଇଁ ରେକର୍ଡ ହୋଇଥିବା ବେଳେ ବର୍ତ୍ତମାନ ଲିଙ୍କନ ପଶାୟତଙ୍କ ଏଭଳି କୃତିତ୍ୱ ପରେ ତାଙ୍କ ପରିବାର, ସାଙ୍ଗସାଥୀ, ଶିକ୍ଷକ ସର୍ବୋପରି ଜିଲ୍ଲାର ବିଭିନ୍ନ ମହଲରେ ଖୁସିର ଲହରୀ ଖେଳିଯାଇଛି ।

ଇଟିଭି ଭାରତ, ବୌଦ୍ଧ