ଯଯାତିକୁଟୀରରେ ବଲିଉଡ଼ ଅଭିନେତ୍ରୀ ରାଧିକା, ଅନ୍ତର୍ଜାତୀୟ କ୍ରାଫ୍ଟ ସମ୍ମିଳନୀରେ ସାମିଲ

Radhika Apte At Jajpur: ଯାଜପୁର: ଜିଲ୍ଲାର ବ୍ୟାସନଗର ସ୍ଥିତ ଯଯାତିକୁଟୀରରେ ଆରମ୍ଭ ହେଇଥିବା ଅନ୍ତର୍ଜାତୀୟ କ୍ରାଫ୍ଟ ସମ୍ମିଳନୀର ତୃତୀୟ ଦିନରେ ସାମିଲ ହୋଇଛନ୍ତି ବଲିଉଡ ଅଭିନେତ୍ରୀ ରାଧିକା ଆପ୍ତେ । ଏଭଳି ଏକ କାର୍ଯ୍ୟକ୍ରମରେ ଯୋଗଦେଇ ବେସ ଉତ୍ସାହିତ ଥିବା କହିଛନ୍ତି । ତେବେ ଗତ 12 ତାରିଖଠାରୁ ଜିଲ୍ଲାର ବ୍ୟାସନଗର ସ୍ଥିତ ଯଯାତିକୁଟୀରରେ ଆରମ୍ଭ ହୋଇଛି ଅନ୍ତର୍ଜାତୀୟ କ୍ରାଫ୍ଟ ସମ୍ମିଟ ତଥା ହସ୍ତତନ୍ତ ସମ୍ମିଳନୀ । ଆଜି (ରବିବାର) ସମ୍ମିଳନୀର ତୃତୀୟ ଦିନରେ ବଲିଉଡ ଅଭିନେତ୍ରୀ ରାଧିକା ଆପ୍ତେ ଯୋଗ ଦେଇଛନ୍ତି । ଏହି ଅବସରରେ ରାଧିକା, ଭାରତର ବିଭିନ୍ନ କାରୁକାର୍ଯ୍ୟ ସମ୍ପର୍କରେ ଆଲୋଚନା କରିଛନ୍ତି । ଏହାସହ ହସ୍ତତନ୍ତର ପ୍ରଚାର ପ୍ରସାର କରିବା ଆବଶ୍ୟକ ବୋଲି କହିଛନ୍ତି । ବିଶେଷ ଭାବରେ ଷ୍ଟଲରେ ପ୍ରଦର୍ଶିତ ହେଇଥିବା ଜିଲ୍ଲାର ବିଭିନ୍ନ ହସ୍ତଶିଳ୍ପ କାର୍ଯ୍ୟକୁ ରାଧିକା ବୁଲିବା ସହିତ ନିଜ ଖୁସିବ୍ୟକ୍ତ କରିଛନ୍ତି । ଏହାସହ ରାଜ୍ୟ ସରକାରଙ୍କୁ ଏଭଳି କାର୍ଯ୍ୟ ପାଇଁ ଧନ୍ୟବାଦ ଦେଇଛନ୍ତି ।  

ଏହା ମଧ୍ୟ ପଢ଼ନ୍ତୁ.....ଉଦଯାପିତ ହେଲା ରାଜ୍ୟ ହସ୍ତତନ୍ତ ମେଳା, ପାରମ୍ପରିକ ଶାଢ଼ୀର ଅଧିକ ଚାହିଦା

ଇଟିଭି ଭାରତ, ଯାଜପୁର