ଦୀପାବଳି ପାଳିଲେ ଦୃଷ୍ଟିହୀନ ବିଦ୍ୟାର୍ଥୀ

ଆଲୋକର ପର୍ବ ଦୀପାବଳି । ଏହାକୁ ନେଇ ଉତ୍ସବମୁଖର ପୁରପଲ୍ଲୀ । ଏଭଳି ସମୟରେ ରେଶମ ସହର ବ୍ରହ୍ମପୁରରେ ରହିଥିବା ଓଡିଶା ସର୍ଭିସ ଫୋର ବ୍ଳାଇଣ୍ଡ ଶିକ୍ଷାନୁଷ୍ଠାନ ପରିସରରେ ଧୁମଧାମ ସହକାରେ ପାଳନ ହୋଇଯାଇଛି ଦୀପାବଳି । ଜନ୍ମରୁ ଆଲୋକ କଣ ଏବଂ ଦୀପ କେମିତି ଜାଣି ନ ଥିବା ଏହି ବିଦ୍ୟାର୍ଥୀମାନେ ଶିକ୍ଷାନୁଷ୍ଠାନ ପରିସରରେ ଦୀପାବଳି ପାଳନ କରିବା ସହ ବାଣ ଫୁଟାଇ ଏହାର ମଜ୍ଜା ନେଇଥିଲେ । ଏପରିକି ଦୃଷ୍ଟିହୀନ ବିଦ୍ୟାର୍ଥୀ ମାନଙ୍କ ମୁହଁରେ ହସ ଫୁଟାଇବାକୁ ପ୍ରାୟାଶ କରି ସହରର ବିଭିନ୍ନ ଅନୁଷ୍ଠାନ ଏବଂ ବହୁ ବ୍ୟକ୍ତି ବିଶେଷ ଏଥିରେ ସାମିଲ ହୋଇଥିଲେ । ଏହି ଅବସରରେ ବିଦ୍ୟାର୍ଥୀଙ୍କ ସମେତ ଅନୁଷ୍ଠାନର କର୍ମକର୍ତ୍ତା ଏବଂ ବିଦ୍ୟାର୍ଥୀ ମାନଙ୍କ ସହ ଆଲୋଚନା କରିଥିଲେ ଆମ ସମ୍ବାଦଦାତା ସମୀର ଆଚାର୍ଯ୍ୟ । ଇଟିଭି ଭାରତ, ବ୍ରହ୍ମପୁର