Watch: ଚନ୍ଦ୍ରଯାନ-୩ ଥିମରେ ନୃତ୍ୟଶିଳ୍ପୀଙ୍କ ଚମତ୍କାର ନୃତ୍ୟ ପରିବେଷଣ

ମୁମ୍ବାଇ: ଆଉ ଘଣ୍ଟାର ଅପେକ୍ଷା । ଚନ୍ଦ୍ରପୃଷ୍ଟରେ ଅବତରଣ କରିବ ଚନ୍ଦ୍ରଯାନ-୩ । ଆରମ୍ଭ ହୋଇଯାଇଛି ଅବଗଣନା । ଆଉ ମାତ୍ର କିଛି ଘଣ୍ଟା ବାକି ରହିଛି । ଜହ୍ନରେ ନାଁ ଲେଖି ଇତିହାସ ରଚିବ ଭାରତ । ଏନେଇ ୧୪୦ କୋଟି ଭାରତୀୟଙ୍କ ମଧ୍ୟରେ ଉତ୍ସାହ ଓ ଉଦ୍ଦୀପନା ଭରି ରହିଛି । ଚନ୍ଦ୍ରର ଦକ୍ଷିଣ ମେରୁରେ ସଫଳ ସଫ୍ଟ ଲ୍ୟାଣ୍ଡିଂ ପାଇଁ ଚାଲିଛି ପୂଜାର୍ଚ୍ଚନା ସହ ପ୍ରାର୍ଥନା । ଅପେକ୍ଷା ଐତିହାସିକ ମୁହୁର୍ତ୍ତକୁ ଯେବେ ଚାନ୍ଦରେ ପାଦ ଥାପିବ ଚନ୍ଦ୍ରଯାନ । ଏହାରି ଭିତରେ ମହାରାଷ୍ଟ୍ର ନାଗପୁରର ଭାରତନାଟ୍ୟମ ଓ କୁଚିପୁଡ଼ୀ ନୃତ୍ୟଶିଳ୍ପୀ ପୂଜା ହିରୱାଡେ ଚନ୍ଦ୍ରଯାନ-୩ର ଥିମ ସଙ୍ଗୀତରେ ସୁନ୍ଦର ନୃତ୍ୟ ପରିବେଷଣ କରିଛନ୍ତି । ନମୋଃ ନମୋଃ ଭରତାମ୍ବେ ଗୀତରେ କରିଛନ୍ତି ନୃତ୍ୟ ପ୍ରଦର୍ଶନ । ଦିନଟିକୁ ସ୍ମରଣୀୟ କରିବା ପାଇଁ ଥିମ ସଙ୍ଗୀତର ତାଳେ ତାଳେ ନୃତ୍ୟ କରିଛନ୍ତି ପୂଜା । ଦେଖନ୍ତୁ ଭିଡିଓ