ପରିକ୍ରମା ପ୍ରକଳ୍ପ ଲୋକାର୍ପଣ ଅବସରରେ ନାଟକ ପାତାଳି ଜଗନ୍ନାଥ ମଞ୍ଚସ୍ଥ

Patali Jagannath Drama: ଝାରସୁଗୁଡା: ବୁଧବାର ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଉଦଘାଟନ ହୋଇଯାଇଛି । ଏହି ଅବସରରେ ଝାରସୁଗୁଡାର ବେହେରାମାଲ ନବ ଦାସ ଅଡିଟୋରୀୟମରେ ଜଗନ୍ନାଥ ସଂସ୍କୃତି ଉପରେ ଆଧାରିତ ପାତାଳି ଜଗନ୍ନାଥ ନାଟକ ପରିବେଷଣ ହୋଇଯାଇଛି । ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି , ନାଟକ ଏକାଡେମୀ ବିଭାଗ ଓ ଜିଲ୍ଲା ସଂସ୍କୃତି ପରିଷଦ ଝାରସୁଗୁଡ଼ାର ମିଳିତ ଆନୁକୂଲ୍ୟରେ ସମ୍ବଲପୁରୀ ଭାଷାରେ ମଞ୍ଚସ୍ଥ ହୋଇଥିଲା ନାଟକ ପାତାଳି ଜଗନ୍ନାଥ । ଝାରସୁଗୁଡାର ନାଟ୍ୟାନୁଷ୍ଠାନ ସୃଜନୀ ପକ୍ଷରୁ ନାଟକ ପରିବେଷିତ ହୋଇଥିଲା । ଏହି ଅଵସରରେ ଝାରସୁଗୁଡା ଅତିରିକ୍ତ ଜିଲ୍ଲାପାଳ, ଜିଲ୍ଲା ସଂସ୍କୃତି ଅଧିକାରୀଙ୍କ ସମେତ ବିଭାଗୀୟ ଅଧିକାରୀ ମାନେ ଉପସ୍ଥିତ ଥିଲେ । ଗତକାଲି (ବୁଧବାର) ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବହୁ ପ୍ରତିକ୍ଷୀତ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ କରିଥିଲେ । ସରକାରଙ୍କ ନିର୍ଦ୍ଦେଶ କ୍ରମେ ଜଗନ୍ନାଥଙ୍କ ଐତିହ୍ୟକୁ ଚିରସ୍ମରଣୀୟ ଓ ଅବଗତ ନିମନ୍ତେ ପାତାଳି ଜଗନ୍ନାଥ ନାଟକ ପରିବେଷଣ କରାଯାଇଥିଲା ।

ଇଟିଭି ଭାରତ, ଝାରସୁଗୁଡା