ଶୁଭମୟ ହେବ ଦିନ, ଦର୍ଶନ କରନ୍ତୁ ମାଆ ତାରିଣୀଙ୍କ ଆଳତୀ

Maa Tarini Alati: ଘଟଗାଁ ରାଣୀ ସେ ମାଆ ତାରିଣୀ । କରୁଣାମୟୀ ସେ ଦୁଃଖ ହାରିଣୀ । ଭକ୍ତର ମାଆ ତାରିଣୀ ମାଆ । ତାଙ୍କୁ ଦର୍ଶନ କଲେ ଦୂର ହୁଏ ଭକ୍ତର ଦୁଃଖ । ଏଥିପାଇଁ ମାଆଙ୍କୁ ଦର୍ଶନ କରିବାକୁ ଭକ୍ତଟିଏ କାହିଁ କେତେ ଦୂରରୁ  ଘଟଗାଁ ପୀଠକୁ ଧାଇଁ ଆସିଥାଏ । ମାଆ ତାରିଣୀଙ୍କ ଆଳତୀ ଦର୍ଶନ କଲେ ଜୀବନର ସବୁ ଦୁଃଖ ଦୂର ହୁଏ ବୋଲି ବିଶ୍ବାସ ରହିଛି । ପ୍ରତିଦିନ ପ୍ରଭାତରୁ ଘଟଗାଁ ପୀଠରେ ମାଆ ତାରିଣୀଙ୍କ ଆଳତୀ ହୋଇଥାଏ । ଆଜି ମଧ୍ୟ ସକାଳୁ ସକାଳୁ ସେବାୟତମାନେ ମାଆଙ୍କ ମଙ୍ଗଳ ଆଳତୀ କରିଛନ୍ତି ।  ଘଣ୍ଟଘଣ୍ଟା, ଶଙ୍ଖ, ହୁଳହୁଳି ଓ ମନ୍ତ୍ର ଉଚ୍ଚାରଣରେ ପ୍ରକମ୍ପିତ ହୋଇଛି ମନ୍ଦିର ପରିସର । ମାଆଙ୍କ ଆଳତୀ ଦର୍ଶନ କରି ଆଶିସ ଲାଭ କରିଛନ୍ତି ଭକ୍ତ । ମାଆଙ୍କ ପ୍ରିୟ ନଡିଆ ହୋଇଥିବାରୁ ତାଙ୍କୁ ନଡିଆରାଣୀ ବୋଲି ମଧ୍ୟ କୁହାଯାଏ । ମାଆଙ୍କୁ ନଡିଆଟିଏ ଯାଚି ଦେଲେ ସେ ଭକ୍ତର ମନବାଞ୍ଛା ପୂରଣ କରନ୍ତି । 

ଇଟିଭି ଭାରତ, କେନ୍ଦୁଝର