ଟ୍ରେନ୍‌ରେ ଛାତରେ ଚଢ଼ି ହେଉଥିଲେ ଉତ୍ପାତ, ବିଦ୍ୟୁତ ତାର ସଂସ୍ପର୍ଶରେ ଆସି ଯୁବକ ଅର୍ଦ୍ଧଦଗ୍ଧ

ରାୟପୁର: ଟ୍ରେନ୍‌ ଉପରେ ଚଢ଼ି ଉତ୍ପାତ କରୁଥିଲେ ଯୁବକ । ବିଦ୍ୟୁତ ତାର ସଂସ୍ପର୍ଶରେ ଆସି ଅର୍ଦ୍ଧ ଦଗ୍ଧ ହେଲେ । ଅକ୍ଟୋବର ୨୬ ତାରିଖରେ ଛତିଶଗଡ଼ର ଦୁର୍ଗ ରେଳ ଷ୍ଟେସନରେ ଏଭଳି ଘଟଣା ଦେଖିବାକୁ ମିଳିଛି । ଏଠାରେ ଜଣେ ଯୁବକ ପ୍ଲାଟଫର୍ମରେ ଠିଆ ହୋଇଥିବା ଛତିଶଗଡ଼ ଏକ୍ସପ୍ରେସ୍‌ ଉପରକୁ ଅଚାନକ ଚଢ଼ି ଯାଇଥିଲେ । ସେଠାରେ ଥିବା ଆରପିଏଫ୍‌ ପୋଲିସ ଯୁବକଙ୍କୁ ତଳକୁ ଓହ୍ଲାଇବାକୁ ବାରମ୍ବାର ବୁଝାଇବାକୁ ଚେଷ୍ଟା କରିଥିଲେ । କିନ୍ତୁ ଯୁବକ ଜଣକ କାହାରି କଥା ଶୁଣିନଥିଲେ । ଏହି ସମୟରେ ସେ ହାଇ ଭୋଲଟେଜ୍‌ ବିଦ୍ୟୁ ତାର ସଂସ୍ପର୍ଶରେ ଆସିଥିଲେ । ଫଳରେ ଅର୍ଦ୍ଧ ଦଗ୍ଧ ଅବସ୍ଥାରେ ତାଙ୍କୁ ସ୍ଥାନୀୟ ହସ୍ପିଟାଲ୍‌ରେ ଭର୍ତ୍ତି କରାଯାଇଥିଲା । ତେବେ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ରାୟପୁର ହସ୍ପିଟାଲ୍‌କୁ ସ୍ଥାନାନ୍ତର କରାଯାଇଛି । ସେଠାରେ ତାଙ୍କ ଚିକିତ୍ସା ଜାରି ରହିଛି ।