Watch: ମେଟ୍ରୋରେ ମୋଦିଙ୍କୁ ସଂସ୍କୃତ ଭାଷାରେ ଜନ୍ମଦିନ ଶୁଭେଚ୍ଛା ଜଣାଇଲେ ମେଟ୍ରୋ ଯାତ୍ରୀ

ନୂଆଦିଲ୍ଲୀ : ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ । ୭୩ ବର୍ଷ ବୟସରେ ପାଦ ଥାପିଲେ ପ୍ରଧାନମନ୍ତ୍ରୀ । ଏହି ଅବସରେ ଦିଲ୍ଲୀବାସୀଙ୍କୁ ଭେଟି ଦେଇଛନ୍ତି ପ୍ରଧାନମନ୍ତ୍ରୀ ମୋଦି ।  ଯଶୋଭୂମି ଦ୍ବାରିକା ସେକ୍ଟର 25 ମେଟ୍ରୋ ଷ୍ଟେସନ ଉଦଘାଟନ କରିଛନ୍ତି । ଏହି ଅବସରରେ ମେଟ୍ରୋରେ ଯାତ୍ରୀଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯାତ୍ରା କରୁଥିବା ସମୟରେ ତାଙ୍କୁ ଜଣେ ଯାତ୍ରୀ ସଂସ୍କୃତ ଭାଷାରେ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ସେହିପରି ଅନ୍ୟ ଯାତ୍ରୀମାନେ ମଧ୍ୟ ତାଙ୍କୁ ଜନ୍ମ ଦିନର ଶୁଭେଚ୍ଛା ଜଣାଇବା ସହ ତାଙ୍କ ସହ ସେଲଫି ନେଇଥିଲେ । ନୂଆଦିଲ୍ଲୀର ଦ୍ବାରିକାରେ ଇଣ୍ଡିଆ ଇଣ୍ଟରନ୍ୟାସନାଲ କନଭେନସନ ଓ ଏକ୍ସପୋ ସେଣ୍ଟର ବା ଆଇଆଇସିଇସି (ଯଶୋଭୂମି)ର ପ୍ରଥମ ଅଂଶ ସହ ଯଶୋଭୂମି ଦ୍ବାରିକା ସେକ୍ଟର ୨୫ ଉଦଘାଟନ କରିଥିଲେ । ବିଶ୍ବକର୍ମା ପୂଜା ଅବସରରେ ପ୍ରଧାନମନ୍ତ୍ରୀ ବିଶ୍ବକର୍ମା ଯୋଜନାର ଶୁଭାରମ୍ଭ କରିଛନ୍ତି ।