ପ୍ରଶାନ୍ତି ଏକ୍ସପ୍ରେସ ଡଷ୍ଟବିନରୁ ନବଜାତ ଶିଶୁପୁତ୍ର ଉଦ୍ଧାର

ଖୋର୍ଦ୍ଧା: ଖୋର୍ଦ୍ଧା ରୋଡ ଏକ ନମ୍ବର ପ୍ଲାଟଫର୍ମ ଠିଆ ହୋଇଥିବା ସତ୍ୟ ସାଇ ପ୍ରଶାନ୍ତି ନୀଳୟମ ଏକ୍ସପ୍ରେସର ଜେନେରାଲ ବଗି ଡଷ୍ଟବିନରୁ ନବଜାତ ଶିଶୁ ପୁତ୍ର ଉଦ୍ଧାର । ଶିଶୁଟି ଟ୍ରେନ୍‌ ଡଷ୍ଟବିନରେ ପଡିଥିବା ଦେଖି ଯାତ୍ରୀମାନେ ଖୋର୍ଦ୍ଧା ରୋଡ ରେଳ ସୁରକ୍ଷା ବଳ କର୍ମଚାରୀଙ୍କୁ ଖବର ଦେଇଥିଲେ । ଖବର ପାଇ ତୁରନ୍ତ ଆରପିଏଫ ଶିଶୁଟିକୁ ସୁରକ୍ଷିତ ଭାବେ ଉଦ୍ଧାର କରିଥିଲେ । ପ୍ରଥମେ ଆରପିଏଫ ଶିଶୁ ପୁତ୍ରକୁ ରେଳୱେ ମେଡିକାଲରେ ଚିକିତ୍ସିତ କରିଥିଲେ । ପରେ ସ୍ଥାନୀୟ ସରକାରୀ ଡ଼ାକ୍ତରଖାନାରେ ସ୍ବାସ୍ଥ୍ୟ ପରୀକ୍ଷା କରାଇଥିଲେ । ଡାକ୍ତରମାନେ ସମସ୍ତ ପ୍ରକାର ସ୍ବାସ୍ଥ୍ୟ ଯାଞ୍ଚ କରିବା ସହିତ ଶିଶୁଟି ସମ୍ପୂର୍ଣ୍ଣ ସୁସ୍ଥ ଥିବା ସୂଚନା ଦେଇଥିଲେ । ଶିଶୁଟି ମାତ୍ର ଦୁଇଦିନର ହୋଇଥିବାବେଳେ କିଏ ଏବଂ କାହିଁକି ଏଭଳି ଅବସ୍ଥାରେ ଛାଡି ଚାଲିଯାଇଛି ତାହା ଜଣା ପଡିନାହିଁ । ସେପଟେ ନବଜାତ ଶିଶୁଟିକୁ ଚାଇଲ୍ଡ ହେଲ୍ପ ଲାଇନକୁ ହସ୍ତାନ୍ତର କରିବେ କରାଯିବ ବୋଲି ଆରପିଏଫ ସୂଚନା ଦେଇଛନ୍ତି । 

ଇଟିଭି ଭାରତ, ଖୋର୍ଦ୍ଧା