ବ୍ରହ୍ମପୁର: ଚୋରି କରିବାକୁ ଆସି ଫେରିବା ସମୟରେ ଘରେ ନିଆଁ ଲଗାଇଦେଲେ ଦୁର୍ବୃତ୍ତ । ଏଭଳି ଏକ ଘଟଣା ଦେଖିବାକୁ ମିଳିଛି ବ୍ରହ୍ମପୁର ସହରରେ । ସହରର ବୈଦ୍ୟନାଥପୁର ଥାନା ଅନ୍ତର୍ଗତ ଖୋଡାସିଙ୍ଗି ଅଞ୍ଚଳର କଳିଙ୍ଗନଗର ଦ୍ବିତୀୟ ଲାଇନରେ ଏଭଳି ଘଟଣା ଘଟିଛି । ଦୁର୍ବୃତ୍ତମାନେ ନିଆଁ ଲଗାଇ ଦେଇଥିବା ଯୋଗୁଁ ନିଆଁରେ ଜଳିଯାଇଛି ଘର । ଫଳରେ ଅନେକ କ୍ଷୟକ୍ଷତି ହୋଇଥିବା ହୋଇଥିବା ସୂଚନା ମିଳିଛି ।
କ'ଣ ଥିଲା ଘଟଣା?
ବ୍ରହ୍ମପୁର ସହରର ବୈଦ୍ୟନାଥପୁର ଥାନା ଅନ୍ତର୍ଗତ ଖୋଡାସିଙ୍ଗି ଅଞ୍ଚଳର କଳିଙ୍ଗନଗର ଦ୍ବିତୀୟ ଲାଇନର ପ୍ଲଟ ନମ୍ବର ୨୧ରେ ଦୀର୍ଘ ବର୍ଷ ଧରି ଦେବୀ ପ୍ରସାଦ ପଟ୍ଟନାୟକ ରହି ଆସୁଛନ୍ତି । ହେଲେ ଦେବୀ ପ୍ରସାଦ ପଟ୍ଟନାୟକଙ୍କ ଘରେ କେହି ନଥିବାର ସୁଯୋଗ ନେଇ ଗତକାଲି(ଶନିବାର) ମଧ୍ୟରାତ୍ରିରେ ଦୁର୍ବୃତ୍ତମାନେ ସେହି ଘରେ ନିଆଁ ଲଗାଇଦେଇ ଚାଲିଯାଇଥିବା ଅଭିଯୋଗ ହୋଇଛି । ଅଭିଯୋଗ ଅନୁସାରେ, ଦୁର୍ବୃତ୍ତମାନେ ମଧ୍ୟରାତ୍ରରେ ଘରେ ପଶି ତାଲା ଭାଙ୍ଗିବା ସହିତ ଚୋରି କରିଥିଲେ ଏବଂ ଫେରିବା ସମୟରେ ନିଆଁ ଲଗାଇ ଫେରାର ହୋଇଯାଇଥିଲେ।
ଘଟଣା ପରେ ପୋଲିସ ଓ ସାଇଣ୍ଟିଫିକ ଟିମର ତଦନ୍ତ:
ବ୍ରହ୍ମପୁର ସହରର ଏଭଳି ଏକ ଘଟଣା ପରେ ପୋଲିସ ଓ ସାଇଣ୍ଟିଫିକ ଟିମ ସହିତ ସନ୍ଧାନୀ କୁକୁର ସହାୟତାରେ ତଦନ୍ତ ଆରମ୍ଭ କରାଯାଇଛି । ଏଭଳି କାଣ୍ଡ ଘଟାଇଥିବା ଘରେ ପୂର୍ବରୁ ଗତ ଚାରି ଥର ଚୋରି ଉଦ୍ୟମ ହୋଇଥିବା ଅଭିଯୋଗ ରହିଥିଲା । ଏହି ଘଟଣାକୁ ମିଶାଇ 5 ଥର ଚୋରି ଉଦ୍ୟମ ହୋଇଥିବା କହିଛନ୍ତି ପରିବାର ଓ ସମ୍ପର୍କୀୟ । ଏପରିକି ଦୁର୍ବୃତ୍ତମାନେ ଘରେ ନିଆଁ ଲଗାଇ ଯାଉଥିବା ଏବଂ ମଧ୍ୟରାତ୍ରରେ ନିଆଁ ଜଳୁଥିବା ଭିଡିଓ ସ୍ଥାନୀୟ ଅଞ୍ଚଳରେ ଲାଗିଥିବା ଏକ ସିସିଟିଭିରେ କଏଦ ହୋଇଥିବା ଯୋଗୁଁ ଏହା ପୋଲିସକୁ ପ୍ରଦାନ କରାଯାଇଥିବା କହିଛନ୍ତି ଅଭିଯୋଗକାରୀଙ୍କ ସମ୍ପର୍କୀୟ ।
ଏହା ବି ପଢନ୍ତୁ...ନିମିଷକେ ଗ୍ରାସ କରିଦେଲା ନିଆଁ, ଛାରଖାର ୧୨ ପରିବାରର ଘର
ଏହା ବି ପଢନ୍ତୁ...ବ୍ରହ୍ମପୁର ବିଶ୍ବବିଦ୍ୟାଳୟର ଛାତ୍ରୀ ନିବାସରେ ଅଗ୍ନିକାଣ୍ଡ
ଭୋର ସମୟରେ ନିଆଁ ଲାଗିଥିବା ଜଣାପଡିଛି । ସର୍ମ୍ପକୀୟମାନେ ଘରକୁ ବୁଲିବାକୁ ଆସିଥିବା ସମୟରେ ଏହାକୁ ଦେଖିବା ପରେ ସ୍ଥାନୀୟ ପୋଲିସ ଓ ଅଗ୍ନିଶମ ବାହିନୀକୁ ଅବଗତ କରିଥିଲେ । ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ଦୁର୍ବୃତ୍ତମାନେ ନିଆଁ ଲଗାଇ ଦେଇଥିବା ଯୋଗୁଁ ନିଆଁରେ ଜଳିଯାଇଛି ଘର । ଫଳରେ ଅନେକ କ୍ଷୟକ୍ଷତି ହୋଇଥିବା ହୋଇଛି ।
ଏହା ବି ପଢନ୍ତୁ...ସତ୍ୟନଗରରେ ଭୟଙ୍କର ଅଗ୍ନିକାଣ୍ଡ, ଜଳିଗଲା ଇଲେକ୍ଟ୍ରୋନିକ୍ସ ସାମଗ୍ରୀ
ଇଟିଭି ଭାରତ, ବ୍ରହ୍ମପୁର
