ତୁଷାରପାତରେ ଢାଙ୍କି ହୋଇଛି ରେଳ ଧାରଣା, ତଥାପି ଟ୍ରାକରେ ଗଡୁଛି ଟ୍ରେନ

ହାଇଦ୍ରାବାଦ: ଉତ୍ତର ଭାରତରେ ଲାଗି ରହିଛି ଶୀତ ଲହରୀ । ଜମ୍ମୁ କାଶ୍ମୀର ଓ ହିମାଚଳ ପ୍ରଦେଶରେ ତୁଷାରପାତ ଏକ ନିତିଦିନିଆ ଘଟଣା । ଏହି ତୁଷାରପାତ ମଧ୍ୟରେ ଚାଲିଥାଏ ଏଠିକାର ଜୀବନଯାତ୍ରା । ରେଳମନ୍ତ୍ରଣାଳୟ ଦ୍ବାରା ପୋଷ୍ଟ ହୋଇଥିବା ଏକ ଭିଡିଓ ଏବେ ବେଶ ମନ୍ତ୍ରମୁଗ୍ଧକର ହୋଇଛି । ଭିଡିଓଟି ହେଉଛି ଜମ୍ମୁ-କଶ୍ମୀର ବାରାମୂଲା-ବନିହାଲ ଷ୍ଟେସନର । ଷ୍ଟେସନ ସମେତ ପୁରା ଅଞ୍ଚଳ ତୁଷାରପାତରେ ଢାଙ୍କି ହୋଇଥିବା ବେଳେ, ଟ୍ରେନ ଟ୍ରାକରେ କିନ୍ତୁ ଟ୍ରେନ ଗଡୁଛି । ଯାହା ଯାତ୍ରୀ ମାନଙ୍କୁ ଏକ ସୁନ୍ଦର ଅନୁଭୂତି ଦେଉଛି । ସେହିପରି ତୁଷାରପାତରେ ଆଚ୍ଛାଦିତ ହୋଇଥିବା ଶ୍ରୀନଗର ରେଳ ଷ୍ଟେସନର କିଛି ଫଟୋ ମଧ୍ୟ ଟ୍ବିଟ କରି ରେଳ ରାଷ୍ଚ୍ରମନ୍ତ୍ରୀ କହିଛନ୍ତି ‘‘ହମାରା ଶ୍ରୀନଗର ରେଳ ଷ୍ଟେସନ ।’’