77th Independence Day: ଫୁଲବାଣୀରେ ସ୍ଵାଧୀନତା ଦିବସ ପାଳିତ

ଫୁଲବାଣୀ: ଆଜି  77ତମ ସ୍ଵାଧୀନତା ଦିବସ  । କନ୍ଧମାଳ ଜିଲ୍ଲା ଫୁଲବାଣୀ ପୋଲିସ ରିଜର୍ଭ ପଡିଆ ଠାରେ ଜିଲ୍ଲା ସ୍ତରୀୟ ସ୍ବାଧୀନତା ଦିବସ ପାଳିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ଅନୁସୂଚିତ ଜନଜାତି ଓ ଜାତି ଉନ୍ନୟନ ସଂଖ୍ୟାଲଘୁ ଓ ପଛୁଆବର୍ଗ କଲ୍ୟାଣ ଏବଂ ଆଇନ ମନ୍ତ୍ରୀ ଜଗନ୍ନାଥ ସାରକା ଯୋଗ ଦେଇ ଜୟତ ପତାକା ଉତ୍ତୋଳନ କରିଥିଲେ  । ଦେଶର ସ୍ଵାଧୀନତା ସଂଗ୍ରାମରେ କନ୍ଧମାଳ ଜିଲ୍ଲାର ଅବଦାନ ଅତୁଳନୀୟ  । ଦେଶ ସ୍ଵାଧୀନତା ପାଇଁ କନ୍ଧମାଳର ସଂଗ୍ରାମୀମାନେ ସେହି ସମୟରେ ଜିଲ୍ଲାରେ କନ୍ଧମେଳି କରି ସଂଗ୍ରାମ କରିଥିଲେ  । ଯାହା ଏକ ଗୁରୁତ୍ୱପୂର୍ଣ୍ଣ ଭୂମିକା ବୋଲି ନିଜର ଅଭିଭାଷଣରେ ପ୍ରକାଶ କରିଥିଲେ ମନ୍ତ୍ରୀ ।  ଆଜାଦିକା ଅମୃତ ମହୋତ୍ସବ ପାଳନ ଅବସରରେ ଦେଶରେ ମହିଳାମାନଙ୍କ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ରହିଛି ବୋଲି କହିଥିଲେ। ତେବେ ଏହି କାର୍ଯ୍ୟକ୍ରମ ରେ କନ୍ଧମାଳ ଜିଲ୍ଲାପାଳ ଆଶିଶ ଇଶ୍ୱର ପଟେଲ , ଏସପି ଶୁଭେନ୍ଦୁ ପାତ୍ରଙ୍କ ସମେତ ଜିଲ୍ଲାର ବିଭିନ୍ନ କାର୍ଯ୍ୟାଳୟର ବରିଷ୍ଠ ଅଧିକାରୀମାନେ ଉପସ୍ଥିତ ରହିଥିଲେ  ।  

ଇଟିଭି ଭାରତ, ଫୁଲବାଣୀ