Odisha Police Foundation Day: ଥାନାକୁ ଆସୁଥିବା ଲୋକଙ୍କ ସହ ଉତ୍ତମ ବ୍ୟବହାର ପାଇଁ DGPଙ୍କ ପରାମର୍ଶ

କଟକ: ଆଜି 87ତମ ଓଡିଶା ପୋଲିସ ପ୍ରତିଷ୍ଠା ଦିବସ । କଟକ ଓଏମପି ସ୍ଥିତ ଷଷ୍ଠ ବାଟାଲିୟନ ପଡିଆରେ ପ୍ରତିଷ୍ଠା ଦିବସ ପାଳିତ ହୋଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଓଡିଶା ପୋଲିସ ଡିଜି ସୁନୀଲ ବଂଶଲ ଯୋଗ ଦେଇଛନ୍ତି । ସାଇବର କ୍ରାଇମ ମୁକାବିଲା କ୍ଷେତ୍ରରେ ଓଡିଶା ପୋଲିସକୁ ସଫଳତା ମିଳିଛି । CCTNS ଓ ମାଓବାଦୀ ମୁକାବିଲା କ୍ଷେତ୍ରରେ ମଧ୍ୟ ପୋଲିସକୁ ସଫଳତା ମିଳୁଛି । ଆଗାମୀ ଦିନରେ ଓଡ଼ିଶା ପୋଲିସକୁ ଏକ ନୂତନ ସୋପାନରେ ପହଞ୍ଚାଇବା ପାଇଁ ଚେଷ୍ଟା କରାଯାଉଛି । ଥାନାକୁ ଆସୁଥିବା ଲୋକଙ୍କୁ ଉତ୍ତମ ବ୍ୟବହାର ପ୍ରଦର୍ଶନ କରିବା ଆମର ଲକ୍ଷ୍ୟ ହେବା ଉଚିତ୍ ବୋଲି ପୋଲିସ ମହାନିର୍ଦ୍ଦେଶକ କହିଛନ୍ତି । କଟକରୁ ନାରାୟଣ ସାହୁ, ଇଟିଭି ଭାରତ