MahaShivratri: ଶିବରାତ୍ରୀରେ ଶିବମୟ କଳାହାଣ୍ଡି

ଭବାନୀପାଟଣା: ଆଜି ହେଉଛି ମହାଶିବରାତ୍ରୀ । ଶିବରାତ୍ରୀ ଅବସରରେ ଶିବମୟ ହୋଇଉଠିଛି ପୁରପଲ୍ଲୀ । କଳାହାଣ୍ଡି ଜିଲ୍ଲାର ପ୍ରତିଟି ଶୈବପୀଠରେ ସକାଳୁ ଦେବ ଦେବ ମହାଦେବଙ୍କ ପୂଜାର୍ଚ୍ଚନା ଚାଲିଛି । ଭବାନୀପାଟଣା ଠାରେ ଥିବା ଜଳେଶ୍ବର ମନ୍ଦିର, ଭବାନିଶଙ୍କର ମନ୍ଦିର, ପୁରୁଣାପଡାର ଧବଳେଶ୍ବର ମନ୍ଦିର ସମେତ ବେଳଖଣ୍ଡି ଓ ମୋହନଗିରିରେ ଥିବା ସର୍ବପୁରାତନ ଶିବାଳୟରେ ପ୍ରଭୁଙ୍କର ରୀତିନୀତି ଅନୁଯାୟୀ କରାଯାଉଛି ପୂଜାର୍ଚ୍ଚନା । ବର୍ତ୍ତମାନ ମନ୍ଦିରରେ ସାହାଣ ମେଳା ଦର୍ଶନ ଲାଗି ରହିଛି । ରାତି ୧୦ ଟାରୁ ୧୧ ତା ଭିତରେ ମହାଦୀପ ଉଠିବାର କାର୍ଯ୍ୟକ୍ରମ ରହିଛି । ଏବେ ବି କୋରୋନା ସଙ୍କଟ ସମ୍ପୂର୍ଣ୍ଣ ରୂପେ ଟଳିନଥିବାରୁ କଟକଣା ମଧ୍ୟରେ ଶ୍ରଦ୍ଧାଳୁମାନେ ବାବା ଭୋଳାନାଥଙ୍କ ଦର୍ଶନ କରୁଥିବାର ଦେଖିବାକୁ ମିଳିଛି । କଳାହାଣ୍ଡିରୁ ଅଜିତ୍ କୁମାର ସିଂ, ଇଟିଭି ଭାରତ