ଜଳେଶ୍ବରରୁ ଧଳା ଜହର ଜବତ, ବେପାରୀ ଗିରଫ

ବାଲେଶ୍ଵର: କୋରୋନା କାଳରେ ସକ୍ରିୟ ହୋଇ ଉଠୁଛି ଧଳା ଜହର କାରବାର । ବାଲେଶ୍ଵର ଜିଲ୍ଲା ଜଳେଶ୍ବର ଅଞ୍ଚଳରେ ବ୍ରାଉନସୁଗାର କାରବାର ବଢି ଚାଲିଥିବାବେଳେ ବେପାରୀ ମଧ୍ୟ ଗିରଫ ହୋଇଛି । ଏହାସହ 10 ଗ୍ରାମର ଧଳା ଜହର ଜବତ କରିଛି ପୋଲିସ । ସୂଚନା ଅନୁସାରେ, ଜଳେଶ୍ବର ଥାନା ଶେଖସରାଇ ଗାଁର ଜଣେ ବ୍ରାଉନସୁଗର ବେପାରୀକୁ ଗ୍ରାମବାସୀ ଅଟକ ରଖି ପୋଲିସ ଜିମାରେ ଦେଇଛନ୍ତି। ଗ୍ରାମର ସୁକୁମାର ଗୁପ୍ତା ନାମକ ଜଣେ ଯୁବକ ବ୍ରାଉନସୁଗାର କାରବାର କରୁଥିବା ବେଳେ ଗ୍ରାମବାସୀ ତାଙ୍କୁ କାବୁ କରିଥିଲେ।