ଅବ୍ୟବସ୍ଥାରେ ସୁବର୍ଣ୍ଣପୁର ସାପ୍ତାହିକ ହାଟ, ଗ୍ରାହକ-ବିକ୍ରେତା ହନ୍ତସନ୍ତ

ସୁବର୍ଣ୍ଣପୁର: ସାପ୍ତାହିକ ହାଟରେ ହନ୍ତସନ୍ତ ଗ୍ରାହକ ଓ ବିକ୍ରେତା । ବଜାରର କଳେବର ବୃଦ୍ଧି ପାଉଥିବାବେଳେ ମୌଳିକ ସମସ୍ୟାର ସମାଧାନ ହୋଇପାରୁନାହିଁ । ପ୍ରବଳ ଖରାରେ ନା କିଣି ହେଉଛି ନା ବିକ୍ରି କରିହେଉଛି । ଶୋଷ କଲେ ପାଣି କି ଖରାରୁ ରକ୍ଷାରୁ ଛାଇ ଟିକେ ପାଇଁ ଡହଳବିକଳ ହେବାକୁ ପଡୁଛି । ବ୍ୟବସାୟୀଙ୍କ ପାଇଁ ନା ଅଛି ପିଣ୍ଡି ନା ଅନ୍ୟ ବ୍ୟବସ୍ଥା । ଏଭଳି ଦୃଶ୍ୟ ଦେଖିବାକୁ ମିଳିଛି ସୁବର୍ଣ୍ଣପୁର ସହରର ସାପ୍ତାହିକ ବଜାରରେ । ଖରାଦିନ ଥିବାରୁ ବେଶ୍ ହନ୍ତସନ୍ତ ହେଉଛନ୍ତି ଗ୍ରାହକ ଓ ବିକ୍ରେତା ।