ରାଜଧାନୀରେ ଲକଡାଉନ ପ୍ରଭାବ

ଭୁବନେଶ୍ବର: କୋରୋନା କବଳରୁ ରାଜ୍ୟବାସୀଙ୍କୁ ରକ୍ଷା କରିବା ପାଇଁ ଲକଡାଉନ ହିଁ ଏକମାତ୍ର ଉପାୟ । ଏ ନେଇ ଆଜିଠାରୁ ରାଜ୍ୟରେ 14ଦିନିଆ ଲକଡାଉନ ହୋଇଛି । ରାଜଧାନୀରେ ଲକଡାଉନର ସମୂର୍ଣ୍ଣ ପ୍ରଭାବ ଦେଖିବାକୁ ମିଳିଛି । ପ୍ରତିଦିନ ରାଜଧାନୀରେ ରାତି ପାହିଲେ ଯାନବାହାନରେ କାନ ଫାଟିପଡୁଥିବା ସହର ସାମାନ୍ୟ ଶାନ୍ତ ପଡିଛି । ସହରର ବିଭିନ୍ନ ଛକରେ ପୋଲିସ ପକ୍ଷରୁ କଡାକଡି ଚେକିଙ୍ଗ କରାଯାଇଛି । ଯାତାୟତ କରୁଥିବା ସମସ୍ତ ଯାତ୍ରୀଙ୍କ ପ୍ରମାଣ ପତ୍ରକୁ ତନତନ କରି ଯାଞ୍ଚ କରାଯାଉଛି । ସହରରେ ସମସ୍ତ ଦୋକାନ ବଜାର ବନ୍ଦ ରହିଛି । ସକାଳ 7ଟାରୁ ସହରର 53ଟି ସ୍ଥାନରେ ଚେକିଂ ଚାଲିଛି । 40ରୁ 50ଜଣଙ୍କଠାରୁ ଫାଇନ ଆଦାୟ ହୋଇଛି ।