ବାଲୁକା କଳାରେ ବିଗ-ବିଙ୍କ ପ୍ରତିମୂର୍ତ୍ତୀ, ଛୁଟୁଛି ଶୁଭେଚ୍ଛା

ପୁରୀ: ବାଲୁକା ଚିତ୍ରକଳାରେ ବିଗ୍ ବିଙ୍କୁ ଜନ୍ମଦିନ ଶୁଭେଚ୍ଛା । ଆଜି ବଲିଉଡ଼ ସୁପରଷ୍ଟାର ଅଭିନେତା ଅମିତାଭ ବଚ୍ଚନଙ୍କ ଜନ୍ମ ଦିନ | ସେ 79ବର୍ଷରେ ପଦାର୍ପଣ କରିଛନ୍ତି । ଜନ୍ମ ଦିବସ ଅବସରରେ ଫ୍ୟାନ, ଫଲୋରଙ୍କ ଠୁ ଆରମ୍ଭ କରି ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛା ସୁଅ ଛୁଟୁଛି । ଆନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପୁରୀର ବେଳାଭୂମିରେ ବିଗ ବିଙ୍କ ଏକ ସୁନ୍ଦର କଳାକୃତି ନିର୍ମାଣ କରିବା ସହ ଜନ୍ମ ଦିନର ଅଭିନନ୍ଦନ ଜଣାଇଛନ୍ତି । ପ୍ରତ୍ୟେକ ବର୍ଷ ସୁଦର୍ଶନ ବିଗ ବିଙ୍କୁ ଜନ୍ମ ଦିନର ଶୁଭେଚ୍ଛା ଦେଉଥିବା ବେଳେ ଚଳିତ ବର୍ଷ ମଧ୍ୟ 7ଟନ ବାଲି ସାହାର୍ଯ୍ୟରେ ପ୍ରାୟ 12ଫୁଟ ଲମ୍ବ ଓ 5ଫୁଟ ଉଚ୍ଚତା ବିଶିଷ୍ଠ କଳାକୃତି ନିର୍ମାଣ କରି ଅଭିନନ୍ଦନ ଜଣାଇଛନ୍ତି ।