ମୌଳିକ ସୁବିଧାରୁ ବଞ୍ଚିତ ଚଲଣାପଡା ଗାଁ

ଖୋର୍ଦ୍ଧା: ଗାଁ ଗାଁରେ ପହଞ୍ଚିବ ବିକାଶ । ଏଥିପାଇଁ ରାଜ୍ୟ ସରକାରଙ୍କ ମାଳମାଳ ଯୋଜନା । ହେଲେ ଏହି ସବୁ ସରକାରୀ ଯୋଜନାର ବାସ୍ତବିକତାର ପ୍ରମାଣ ଦେଉଛି ଖୋର୍ଦ୍ଧା ଜିଲ୍ଲା କଳାଙ୍ଗ ପଞ୍ଚାୟତର ଚଲଣାପଡା ଗାଁ । ରାଜଧାନୀଠାରୁ ମାତ୍ର 60 କିମି ଦୂରରେ ଥିବା ଏହି ଗାଁକୁ ଅଛି ନା ରାସ୍ତା ନା ପାଣିର ବ୍ୟବସ୍ଥା । ଗାଁରେ ଭଲ ରାସ୍ତାଟିଏ ନଥିବାରୁ ରୋଗୀ ସେବା ପାଇଁ ଗାଁକୁ ଆମ୍ବୁଲାନ୍ସଟିଏ ଆସିପାରେ ନାହେଁ । ଫଳରେ ରୋଗୀ ସେବା ବାଧାପ୍ରାପ୍ତ ହୋଇଥାଏ । ଏମିତି ପରିସ୍ଥିତିରେ ଗାଁରେ ଭଲ ରାସ୍ତାଟିଏ ପାଇଁ ନିଜେ ଅଣ୍ଟା ଭିଡିଛନ୍ତି ଗ୍ରାମବାସୀ ।