କଟକରେ ଅଗ୍ନିକାଣ୍ଡ, ପୋଡ଼ିଗଲା ଲକ୍ଷାଧିକ ଟଙ୍କାର ଆସବାବପତ୍ର

କଟକ: କଟକ ପିଠାପୁର ମୁନ୍ ଲାଇଟ ଲେନରେ ଥିବା ଏକ ଆପାର୍ଟମେଣ୍ଟରେ ଭୟଙ୍କର ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡ ଫଳରେ ଲକ୍ଷାଧିକ ଟଙ୍କାର ଆସବାବପତ୍ର ପୋଡି ପାଉଁଶ ହୋଇଯାଇଛି । ଆପାର୍ଟମେଣ୍ଟର ପ୍ରଥମ ମହଲାରେ ଏକ ଘରେ ସନ୍ଧ୍ୟା ସମୟରେ ହଠାତ ନିଆଁ ଲାଗି ଯାଇଥିଲା । ଧିରେ ଧିରେ ନିଆଁ ଆଖପାଖ ଚାରିଆଡ଼ ବ୍ୟାପି ଯାଇଥିଲା । ଏନେଇ ସ୍ଥାନୀୟ ଲୋକ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବାହିନୀର ୨ଟି ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବାବେଳେ ବିଦ୍ୟୁତ ସର୍ଟସର୍କିଟରୁ ନିଆଁ ଲାଗିଥିବା ଅନୁମାନ କରାଯାଉଛି । ତେବେ ଘରେ କେହି ନ ଥିବା ବେଳେ ଏଭଳି ଅଗ୍ନିକାଣ୍ଡ ଘଟିଥିବା ଜଣାପଡିଛି । ଘରେ ଷ୍ଟେସନାରୀ ସରଞ୍ଜାମ ମହଜୁଦ ଥିବାରୁ ସେଥିରେ ନିଆଁ ଲାଗିଯିବା ଦ୍ୱାରା ଗୋଟିଏ ବଖରାରୁ ଆଉ ଗୋଟିଏ ବଖରାକୁ ନିଆଁ ବ୍ୟାପି ଯାଇଥିବା ଜଣାପଡ଼ିଛି ।

ଏହା ମଧ୍ୟ ପଢ଼ନ୍ତୁ...ଅଗ୍ନିକାଣ୍ଡରେ ଜଳିଗଲା ଲୁଗା ଗୋଦାମ, ବ୍ୟବସାୟୀ ମୃତ ଏହା ମଧ୍ୟ ପଢ଼ନ୍ତୁ...ଖୋର୍ଦ୍ଧା ଘରୋଇ ଟିଭି ଚ୍ୟାନେଲ ଷ୍ଟୁଡିଓରେ ଭୟାବହ ଅଗ୍ନିକାଣ୍ଡ, କାରଣ ଅସ୍ପଷ୍ଟ

ଇଟିଭି ଭାରତ, କଟକ