ଭୁବନେଶ୍ବରରେ ହେବ ସର୍ବଭାରତୀୟ ଡାକ୍ତର ସମ୍ମିଳନୀ

ନଭେମ୍ବର ୨୯ରୁ ଭୁବନେଶ୍ବରରେ ଅନୁଷ୍ଠିତ ହେବ ସର୍ବଭାରତୀୟ ଡାକ୍ତର ସମ୍ମିଳନୀ । ଡାକ୍ତରମାନେ ନେବେ ପ୍ରଶିକ୍ଷଣ । ଡାକ୍ତରଙ୍କୁ ମିଳିବ ୧୦ କ୍ରେଡିଟ ପଏଣ୍ଟ ।

ଭୁବନେଶ୍ବର: ରାଜଧାନୀରେ ଆରମ୍ଭ ହେବ ଡାକ୍ତରଙ୍କ ସମ୍ମିଳନୀ । ଇଣ୍ଡିଆନ ମେଡିକାଲ ଆସୋସିଏସନ ପକ୍ଷରୁ ଆମସ୍କନ (AMSCON) ସମ୍ମିଳନୀ ଆୟୋଜନ ହେବ । ଆମସ୍କନ ସମ୍ମିଳନୀର ମୁଖ୍ୟ ଉଦ୍ଦେଶ୍ୟ ଡାକ୍ତରମାନଙ୍କୁ ପ୍ରଶିକ୍ଷଣ ହୋଇଥିବା ବେଳେ, ଏହି ସମ୍ମିଳନୀରେ ବିଭିନ୍ନ ବିଭାଗର ୨୫୦୦ ଡାକ୍ତର ଯୋଗଦେବାର କାର୍ଯ୍ୟକ୍ରମ ରହିଛି । ଏହାସହ ଏହି କାର୍ଯ୍ୟକ୍ରମରେ ଯୋଗଦେବା ପାଇଁ ୮୦୦୦ ପିଜି ଛାତ୍ରଛତ୍ରୀ ଆବେଦନ କରିଛନ୍ତି । ସମ୍ମିଳନୀଟି ନଭେମ୍ବର ୨୯ ତାରିଖରୁ ଆରମ୍ଭ ହୋଇ ଡିସେମ୍ବର ୧ ତାରିଖ ଯାଏଁ ଅନୁଷ୍ଠିତ ହେବ । ଏହି ୩ ଦିନିଆ ସମ୍ମିଳନୀକୁ କ୍ୟାପିଟାଲ ହସ୍ପିଟାଲ ସ୍ଥିତ ଆଇଏମଏ ବିଲଡିଂରେ କରିବା ପାଇଁ ଯୋଜନା କରାଯାଇଛି ।

ପ୍ରଥମ ଥର ପାଇଁ ସର୍ବଭାରତୀୟ ସ୍ତରର ଡାକ୍ତର ସମ୍ମିଳନୀ:

IAM ସଂପାଦକ ପ୍ରଫେସର ଅଭୟ କୁମାର ସାହୁ କହିଛନ୍ତି, "ଏହି ସର୍ବଭାରତୀୟ ସ୍ତରର ସମ୍ମିଳନୀ ପ୍ରଥମ ଥର ପାଇଁ ଭୁବନେଶ୍ବରରେ ଆୟୋଜନ ହେବ । ଏହି ସମ୍ମିଳନୀର ବିଶେଷତ୍ବ ହେଉଛି କୌଣସି ଗୋଟିଏ ବିଭାଗର ଡାକ୍ତର ଏଥିରେ ଯୋଗୋଦେଉ ନାହାନ୍ତି, ଅର୍ଥାତ୍ ସମସ୍ତ ବିଭାଗର ଡାକ୍ତର ଏଥିରେ ଯୋଗ ଦେବାର କାର୍ଯ୍ୟକ୍ରମ ରହିଛି । ମଣିଷ କିଭଳି ସୁସ୍ଥ ରହିପାରିବ ଏବଂ ଏକ ସୁସ୍ଥ ସମାଜ ଗଠନ କରିପାରିବ ତାହା ଉପରେ ହିଁ ବିଶେଷ ଗୁରୁତ୍ବ ଦିଆଯିବ । "ସ୍ବାସ୍ଥ୍ୟ ହିଁ ସମ୍ପଦ" କେବଳ କଥାରେ ରହିଲେ ହେବ ନାହିଁ, ବରଂ କିପରି ଏହି ସ୍ବାସ୍ଥ୍ୟର ଯତ୍ନ ନିଆଯାଇ ପାରିବ ଏବଂ ମାନବ ସମ୍ବଳକୁ ରକ୍ଷା କରାଯାଇ ପାରିବ ତାହାହିଁ ବିଶେଷ ଗୁରୁତ୍ବପୂର୍ଣ୍ଣ ।"

ଏହାମଧ୍ୟ ପଢ଼ନ୍ତୁ...DG ସମ୍ମିଳନୀ, ଓଡ଼ିଶାରେ 3 ଦିନ ରହିବେ ପ୍ରଧାନମନ୍ତ୍ରୀ ମୋଦି ଏହାମଧ୍ୟ ପଢ଼ନ୍ତୁ...ଫେରିଲା ବାଂଲାଦେଶୀ ଟେନସନ: ଆଗକୁ DG ସମ୍ମିଳନୀ, ପୋଲିସ ପାଇଁ ହେବ କି ଚ୍ୟାଲେଞ୍ଜ ?

ଅଭିଜ୍ଞ ବିଶେଷଜ୍ଞମାନେ ଦେବେ ପ୍ରଶିକ୍ଷଣ:

ପ୍ରଫେସର ଅଭୟ କୁମାର ସାହୁ କହିଛନ୍ତି, "ଏହି ଡାକ୍ତରଙ୍କ ସମ୍ମିଳନୀରେ ସ୍ବାସ୍ଥ୍ୟ ଏବଂ ମାନବ ସମ୍ବଳ ଉଭୟକୁ ନେଇ ଅନୁଷ୍ଠିତ ହେଉଛି । ଅଭିଜ୍ଞ ବିଶେଷଜ୍ଞମାନେ ତଥ୍ୟ ଭିଭିକ ଗବେଷଣାକୁ ଉପସ୍ଥାପନ କରିବେ । ଯାହାଦ୍ବାରା ଓଡିଶାର ସ୍ବାସ୍ଥ୍ୟ ଭିତ୍ତିଭୂମି ଉନ୍ନ‌ତ ହେବା ସହିତ ଲୋକମାନେ ଉନ୍ନ‌ତ ମାନର ଚିକିତ୍ସା ପାଇପାରିବେ । NMCର ଗାଇଡଲାଇନ ଅନୁସାରେ, ଡାକ୍ତରଙ୍କୁ ବର୍ଷକୁ କିଛି ମାତ୍ରାରେ ସେମିନାର ବା ପ୍ରଶିକ୍ଷଣ ନେବାର ରହିଛି । ଏଥିରେ ଡାକ୍ତରଙ୍କୁ ୧୦ କ୍ରେଡିଟ ପଏଣ୍ଟ ମିଳିଥାଏ । ଏଥିରେ ଯେଉଁମାନେ ଅଂଶଗ୍ରହଣ କରିବେ ସେମାନଙ୍କୁ ୧୦ କ୍ରେଡିଟ ପଏଣ୍ଟ ମିଳିବ ।"

ଇଟିଭି ଭାରତ, ଭୁବନେଶ୍ବର