ମହିଳା କାରିଗର ନିର୍ମାଣ କରୁଛନ୍ତି ମା’ ଦୁର୍ଗାଙ୍କ ମୃଣ୍ମୟୀ ମୂର୍ତ୍ତି

ଭୁବନେଶ୍ବର: ମହିଳାଙ୍କ ହାତରେ ଜଗତଜନନୀ ମା’ ଦୁର୍ଗାଙ୍କ ମୂର୍ତ୍ତି ନିର୍ମାଣ। ସାଧାରଣତଃ ପର୍ବପର୍ବାଣୀରେ ଦେବାଦେବୀଙ୍କ ମୂର୍ତ୍ତି ପୁରୁଷ କାରିଗର ମାନେ ଗଢନ୍ତି । ହେଲେ ଏମିତିବି ମହିଳା ଅଛନ୍ତି ଯିଏ ବାପାଙ୍କ ସ୍ବପ୍ନ ପୁରଣ ପାଇଁ କରିବା ପାଇଁ ଶିଳ୍ପୀ ସାଜି ପୁଅର କମିକୁ ପୁରା କରିଛନ୍ତି । ଆଉ ମାତ୍ର ୪ ବର୍ଷରୁ ହିଁ ନିଜ ହାତରେ ଭଗବାନଙ୍କୁ ଗଢି ସମାଜ ପାଇଁ ଉଦାହରଣ ସାଜିଛନ୍ତି । ଆମେ କହୁଛୁ କଟକର ସୋମା ବେହେରାଙ୍କ କଥା ଯିଏ ମାଟିକୁ ଚକଟି ଦୁର୍ଗା ମାଙ୍କ ମୂର୍ତ୍ତି ଗଢୁଛନ୍ତି । ୧୪ ବର୍ଷ ଧରି ବାପାଙ୍କ କୌଳିକ ବୃତ୍ତିକୁ ବଞ୍ଚାଇବା ପାଇଁ ଅଣ୍ଟା ଭିଡିଥିବା ବେଳେ ପରିଶ୍ରମ କରି ନିଜ ହାତର ଯାଦୁଗରୀ ସ୍ପର୍ଶରେ ଦେବୀ ଦୁର୍ଗାକୁ କରୁଛନ୍ତି ଜୀବନ୍ତ । ଆଉ ବାପାଙ୍କ ବୃତ୍ତିକୁ ଭବିଷ୍ୟତ କରି ସାରା ଜୀବନ ଭଗବାନଙ୍କ ମୃର୍ତ୍ତି ଗଢିବାରେ ନିୟୋଜିତ କରିବରେ ଶପଥ ନେଇଛନ୍ତି। ନିଜେ ସ୍ବାବଲମ୍ବୀ ହେବା ସହ ପରିବାର ପ୍ରତିପୋଷଣର ପ୍ରତିଜ୍ଞା କରିଛନ୍ତି ଯାହା ତାଙ୍କୁ ଆଣିଦେଇଛି ଅସୀମ ଖୁସି । ଆଉ ସୋମଙ୍କ ଏହି ପରିଶ୍ରମ ଓ ନିଷ୍ଠାକୁ ଦେଖି ବାପା ବି ବେଶ ଖୁସି ଥିବା କହିଛନ୍ତି । ଭୁବନେଶ୍ବରରୁ ଦେବସ୍ମିତା ରାଉତ,ଇଟିଭି ଭାରତ