ହୁତୁହୁତୁ ହୋଇ ଜଳୁଛି ଜଙ୍ଗଲ

କଳାହାଣ୍ଡି: ହୁତୁହୁତୁ ହୋଇ ଜଳୁଛି ଜଙ୍ଗଲ । ବୃକ୍ଷ ହିଁ ଜୀବନ ବୃକ୍ଷ ହିଁ ସମ୍ପଦ । ମାତ୍ର ଏବେ ସଂକଟରେ ଜଙ୍ଗଲ ସମ୍ପଦ । କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡ ଅଧିନସ୍ତ ବିଶ୍ବନାଥପୁର ରେଞ୍ଜ ଅନ୍ତର୍ଗତ କିଡିଙ୍ଗ ଜଙ୍ଗଲରେ ଲାଗିଛି ନିଆଁ । ସହ ସହ ହେକ୍ଟର ଜଙ୍ଗଲରେ ନିଆଁ ଲାଗି ଥିବାରୁ ବନ ବିଭାଗ କର୍ମଚାରୀ ପହଞ୍ଚି ନିଆଁ ଲିଭା କାର୍ଯ୍ୟ ଜାରି ରଖିଛନ୍ତି । ତେବେ କେଉଁ କାରଣରୁ ଜଙ୍ଗଲରେ ନିଆଁ ଲାଗିଲା ସେନେଇ ବନ ବିଭାଗ ପକ୍ଷରୁ କୌଣସି ସୂଚନା ମିଳି ପାରିନଥିବା ବେଳେ ଜଙ୍ଗଲରେ ଦ୍ରୁତ ଗତିରେ ମାଡିବାରେ ଲାଗିଛି ନିଆଁ । ଯଥାଶୀଘ୍ର ନିଆଁକୁ ଆୟତ୍ତ ନ କଲେ ଜଙ୍ଗଲ ମଧ୍ୟରେ ଥିବା ଗାଁ ଓ ଜଙ୍ଗଲୀ ଜନ୍ତୁଙ୍କ ଜୀବନ ଉପରେ ବିପଦ ସୃଷ୍ଟି ହେବା ଭଳି ଘଟଣାକୁ ଏଡାଇ ଦିଆଯାଇ ନପାରେ । କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ