କାବେରୀ ଜଳବିବାଦ: 'ଚିଟ୍‌ଠା'ର ପ୍ରମୋସନ ବେଳେ ହଙ୍ଗାମା, ସିଦ୍ଧାର୍ଥଙ୍କୁ ଅଧାରୁ ଛାଡିବାକୁ ପଡିଲା ସାମ୍ବାଦିକ ସମ୍ମିଳନୀ

ବେଙ୍ଗାଲୁରୁ: ‘ରଙ୍ଗ ଦେ ବସନ୍ତୀ' ଫେମ୍‌ ସିଦ୍ଧାର୍ଥଙ୍କ ଅଭିନୀତ ଫିଲ୍ମ 'ଚିଟ୍‌ଠା' ଗୁରୁବାର ମୁକ୍ତିଲାଭ କରିଛି । ଏହି ଚଳଚ୍ଚିତ୍ରକୁ ନେଇ ସିଦ୍ଧାର୍ଥ ବେଙ୍ଗାଲୁରୁରେ ଏକ ସାମ୍ବାଦିକ ସମ୍ମିଳନୀ କରିଥିଲେ । ଅଭିନେତା ତାଙ୍କ ଚଳଚ୍ଚିତ୍ରର ପ୍ରମୋସନ ବିଷୟରେ ଗଣମାଧ୍ୟମ ସହିତ କଥାବାର୍ତ୍ତା କରୁଥିବାବେଳେ କିଛି ବିକ୍ଷୋଭକାରୀ ସେଠାରେ ପହଞ୍ଚି ବଡ ହଙ୍ଗାମା ସୃଷ୍ଟି କରିଥିଲେ । ଏହା ପରେ ଅଭିନେତା ସାମ୍ବାଦିକ ସମ୍ମିଳନୀ ଅଧାରୁ ବନ୍ଦ କରିଚାଲିଗଲେ ।

ବେଙ୍ଗାଲୁରୁରେ ସିଦ୍ଧାର୍ଥଙ୍କ ନୂଆ ଚଳଚ୍ଚିତ୍ର 'ଚିଟ୍‌ଠା' ପାଇଁ ଏକ ସାମ୍ବାଦିକ ସମ୍ମିଳନୀ ଚାଲିଥିଲା । ଏପଟେ କାବେରୀ ଜଳ ବିବାଦ ପ୍ରସଙ୍ଗକୁ ନେଇ ବିକ୍ଷୋଭକାରୀମାନେ କ୍ରୋଧିତ ଥିଲେ । ସେମାନେ ହଠାତ୍‌ ପଶିଯାଇ କାର୍ଯ୍ୟକ୍ରମକୁ ଆଧରୁ ବନ୍ଦ କରିଥିଲେ। କହିଥିଲେ, ଯେତେବେଳେ କାବେରୀ ସମସ୍ୟା ଏତେ ଗମ୍ଭୀର ହୋଇଯାଇଛି, ସେତେବେଳେ ଏହି କାର୍ଯ୍ୟକ୍ରମ କରିବା ବ୍ୟର୍ଥ ଅଟେ । ଏବଂ ଅଭିନେତାଙ୍କୁ ସେଠାରୁ ଚାଲିଯିବାକୁ କହିଥିଲେମ । ସ୍ଥିତି ବିଗିଡିବା ଦେଖି ଅଭିନେତା ସାମ୍ବାଦିକ ସମ୍ମିଳନୀକୁ ମଝିରେ ଛାଡିବାକୁ ବାଧ୍ୟ ହୋଇଥିଲେ । ଏହି ସମୟରେ, ତାଙ୍କର ଏହି ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେଉଛି ।