Watch: ଲାଲବାଗ ରାଜାଙ୍କ ଦର୍ଶନ କଲେ ଅଦା ଶର୍ମା, ଶଙ୍ଖ ଫୁଙ୍କି ବାପ୍ପାଙ୍କ କଲେ ଆରାଧନା

ମୁମ୍ବାଇ: ଗଣେଶ ମହୋତ୍ସବ ସାରା ଦେଶରେ ବହୁତ ଧୁମଧାମରେ ପାଳନ କରାଯାଉଛି । କଳାକାରମାନେ ବିଭିନ୍ନ ସ୍ଥାନରେ ଗଣେଶ ମଣ୍ଡପ ପରିଦର୍ଶନ କରୁଛନ୍ତି । ମୁମ୍ବାଇର ପ୍ରସିଦ୍ଧ ଲାଲବାଗ ରାଜାଙ୍କ ଦର୍ଶନ କରିବାକୁ ବଲିଉଡ ତାରକାଙ୍କ ସୁଅ ଛୁଟୁଛି । ପୂର୍ବରୁ ବଲିଉଜ ଅଭିନେତା କାର୍ତ୍ତିକ ଆର୍ଯ୍ୟନ, ଅଭିନେତ୍ରୀ ଇଶା ଦେଓଲ ଲାଲବାଗ ରାଜାଙ୍କ ଦର୍ଶନ କରିଥିବା ବେଳେ ଗତକାଲି (ସେପ୍ଟେମ୍ବର 22)ରେ ପୁଅ ଅବରାମଙ୍କ ସହ କିଙ୍ଗ ଖାନ ଶାହାରୁଖ ଖାନ ଗଣପତି ବାପ୍ପାଙ୍କ ଦର୍ଶନ କରିଥିଲେ । ବର୍ତ୍ତମାନ 'ଦ କେରଳ ଷ୍ଟେରୀ' ଫେମ ଅଭିନେତ୍ରୀ ଅଦା ଶର୍ମା ଲାଲବାଗ ରାଜାଙ୍କ ଦର୍ଶନ କରିଛନ୍ତି । ଏହି ଅବସରରେ ସେ ପିଙ୍କ ରଙ୍ଗର ଶାଢୀରେ ପାରମ୍ପରିକ ମରାଠି ଲୁକରେ ନଜର ଆସିଥିବା ବେଳେ ଶଙ୍ଖ ଫୁଙ୍କି ବାପ୍ପାଙ୍କ ଆରାଧନା କରିଛନ୍ତି ।ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏପରିକି ଅଭିନେତ୍ରୀ ନିଜେ ମଧ୍ୟ ନିଜ ଇନଷ୍ଟାଗ୍ରାମରେ ଏହି ଭିଡିଓ ସେୟାର କରିଛନ୍ତି । ଫ୍ୟାନ୍ସ ଅଭିନେତ୍ରୀଙ୍କ ଶଙ୍ଖ ଫୁଙ୍କିବା ଶୈଳୀକୁ ବେଶ ପସନ୍ଦ କରିବା ସହ ଅଦାଙ୍କ ପ୍ରଶଂସା କରିଛନ୍ତି । ପ୍ରତିକ୍ରିୟାରେ ଜଣେ ଫ୍ୟାନ ଲେଖିଛନ୍ତି, ଅଦାଙ୍କ ପାଖରେ ସବୁପ୍ରକାର ଗୁଣ ରହିଛି । ଆଉ ଜଣେ ଲେଖିଛନ୍ତି, ସନାତନ ସଂସ୍କୃତି ବହୁତ ସୁନ୍ଦର । ବାପ୍ପା ଆପଣଙ୍କୁ ଦୀର୍ଘାୟୁ କରନ୍ତୁ । ଆଉ ଜଣେ ଲେଖିଛନ୍ତି, ମୁଁ ବାପ୍ପାଙ୍କ ପାଖରେ ପ୍ରାର୍ଥନା କରୁଛି, ଆପଣଙ୍କ ପରିବାର ସୁସ୍ଥ ରୁହନ୍ତୁ । ଆପଣଙ୍କ ଆଗାମୀ ଫିଲ୍ମ ଗୁଡିକ ହିଟ ହେଉ । ଦ କେରଳ ଷ୍ଟାରୀ ଓସ୍କାର ପାଇଁ ମନୋନୀତ ହେଉ । ଗଣପତି ବାପ୍ପା ମୋରିୟା । 

ଏହା ମଧ୍ୟ ପଢନ୍ତୁ:Ganeshotsav 2023: ପୁଅ ଅବରାମଙ୍କ ସହ ଲାଲବାଗ ରାଜାଙ୍କ ଦର୍ଶନ କଲେ କିଙ୍ଗଖାନ