୫୮ ବର୍ଷରେ ପାଦ ଥାପିଲେ ଭାଇଜାନ, ଶୁଭେଚ୍ଛା ଜଣାଇବାକୁ ଘର ବାହାରେ ଜମିଲା ଫ୍ୟାନ୍ସଙ୍କ ମେଳି

Salman Khan's Birthday: 

ମୁମ୍ବାଇ: ସଲମାନ ଖାନ ଆଜି ତାଙ୍କ ୫୮ତମ ଜନ୍ମଦିନ ପାଳନ କରୁଛନ୍ତି । ନିଜ ପରିବାର, ସାଙ୍ଗସାଥୀଙ୍କ ସହ ନିଜ ଜନ୍ମଦିନ ବେଶ ଧୁମଧାମରେ ପାଳନ କରିଛନ୍ତି ସଲମାନ । ବର୍ତ୍ତମାନ ଏହି ବିଶେଷ ଅବସରରେ ଭାଇାନଙ୍କ ଫ୍ୟାନ୍ସ ମଧ୍ୟ ତାଙ୍କୁ ଶୁଭେଚ୍ଛା ଜଣାଇବା ପାଇଁ ବେଶ ଉତ୍ସାହିତ ରହିଛନ୍ତି । ଅଭିନେତାଙ୍କୁ ୱିସ୍ ସହ ସଲମାନଙ୍କ ଗୋଟିଏ ଝଲକ ଦେଖିବାକୁ  ଫ୍ୟାନ୍ସ ତାଙ୍କ ଘର ଆଗରେ ଭିଡ଼ ଜମାଇଛନ୍ତି । ମଙ୍ଗଳବାର ରାତିରୁ ସଲମାନ ଖାନଙ୍କ ଘର ଆଗରେ ଫ୍ୟାନ୍ସ ଭିଡି ଜମାଇଛନ୍ତି । ନିଜ ପ୍ରିୟ ଷ୍ଟାରଙ୍କ ଗୋଟିଏ ଝଲକ ଏବଂ ଜନ୍ମଦିନ ଶୁଭେଚ୍ଛା ଜଣାଇବାକୁ ତାଙ୍କ ଘର ଆଗରେ ନଜର ଆସିଛନ୍ତି ଅନେକ ଫ୍ୟାନ୍ସ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । 

ଏହା ମଧ୍ୟ ପଢନ୍ତୁ: ଭାଣିଜୀଙ୍କ ସହ କେକ୍ କାଟି ବର୍ଥ ଡେ ସେଲିବ୍ରେଟ କଲେ ଭାଇଜାନ, ଝଲକ ଦେଖାଇଲେ ବବି ଦେଓଲ

ସୂଚନା ଥାଉ କି, ଆଜି ସଲମାନ ଖାନ ଏବଂ ଉଉଣୀ ଅର୍ପିତା ଖାନଙ୍କ ଝିଅ ତଥା ତାଙ୍କର ଭାଣିଜୀ ଆୟାତଙ୍କ ମଧ୍ୟ ଜନ୍ମଦିନ । ଏହି ବିଶେଷ ଅବସରରେ ସଲମାନ ଖାନ ତାଙ୍କ ଭାଣିଜୀଙ୍କ ସହ ଏକାଠି ଜନ୍ମଦିନ ପାଳନ କରିଛନ୍ତି । ଉଭୟ ଏକାଠି କେକ୍ କାଟି ଜନ୍ମଦିନ ପାଳନ କରିଛନ୍ତି । ଏହି ପାର୍ଟିରେ ସଲମାନ ଏବଂ ଭାଣିଜୀଙ୍କ ସହ ଭଉଣୀ ଅର୍ପିତା ଖାନ, ଆୟୁଷ ଶର୍ମା, ଭାଇ ଅର୍‌ବାଜ୍‌ ଖାନ ଅରହାନ ଖାନ, ଅଲବିରା ଖାନ ଅଗ୍ନିହୋତ୍ରୀ, ବବି ଦେଓଲ, ସାଜିଦ ସମେତ ଅନେକ ପରିବାର ସଦସ୍ୟ ଏବଂ ସାଙ୍ଗସାଥୀ ସାମିଲ ହୋଇଥିଲେ ।