ମୁଖ୍ୟମନ୍ତ୍ରୀ ମୋହନ ମାଝୀଙ୍କ ସହ ହିଟ୍ ମ୍ୟାନଙ୍କ ମସ୍ତି, ଭିଡିଓ ଦେଖିଲେ ହସି ହସି ଗଡିବେ

ଭାରତୀୟ ଅଧିନାୟକ ରୋହିତ ଶର୍ମା ମଜାଳିଆ ମୁଡରେ ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ସହ ମସ୍ତି ।

ଭୁବନେଶ୍ବର: ଭାରତୀୟ କ୍ରିକେଟ ଦଳର ଅଧିନାୟକ ରୋହିତ ଶର୍ମାଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ରୋହିତଙ୍କୁ ଓଡିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ସହ ମଜା କରୁଥିବାର ଦେଖାଯାଉଛି । ଏହି ଭିଡିଓଟି କଟକର ବାରବାଟୀ ଷ୍ଟାଡିୟମରେ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଥିବା ଦ୍ୱିତୀୟ ଏକଦିବସୀୟ ମ୍ୟାଚ୍ ପରେ ଫୋନରୁ ଫୋନ ଭାଇରାଲ ହେଉଛି । ରୋହିତଙ୍କୁ ପୋଷ୍ଟ ମ୍ୟାଚ୍ ଉପସ୍ଥାପନା ପରେ ଓଡ଼ିଶାର ମୁଖ୍ୟମନ୍ତ୍ରୀଙ୍କ ସହିତ ଏକ ମଜାଳିଆ ମୁଡରେ ଦେଖିବାକୁ ମିଳିଥିଲା।

Captain Rohit Sharma having fun with the Chief Minister of Odisha by raising his hand and congratulating him for the victory after the match ended.👌🏻😂 #INDvsENG

The most fun-loving personality @ImRo45 🐐🙇🏼‍♂️ pic.twitter.com/q94sU8DOel

— 𝐑𝐮𝐬𝐡𝐢𝐢𝐢⁴⁵ (@rushiii_12) February 9, 2025

ଓଡ଼ିଶାର ମୁଖ୍ୟମନ୍ତ୍ରୀଙ୍କ ସହ ରୋହିତ ଶର୍ମାଙ୍କ ମଜା-

ରୋହିତ ଶର୍ମାଙ୍କ ଏହି ଭିଡିଓକୁ ତାଙ୍କ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି । ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ପ୍ରଶଂସକମାନେ ମଧ୍ୟ ଏହି ଭିଡିଓକୁ ପସନ୍ଦ କରୁଛନ୍ତି । ଏହା ସହିତ, କିଛି ପ୍ରଶଂସକ ଅଛନ୍ତି ଯେଉଁମାନେ ଏହି ମଜାଦାର ଭିଡିଓ ଦେଖିବା ପରେ ନିଜ ହସକୁ ରୋକି ପାରୁନାହାଁନ୍ତି । ପ୍ରକୃତରେ ଏହି ଭିଡିଓରେ, ଭାରତୀୟ ଅଧିନାୟକ ରୋହିତ ଶର୍ମା ଓଡ଼ିଶାର ମୁଖ୍ୟମନ୍ତ୍ରୀଙ୍କ ସହ ମଜାଳିଆ ଢଙ୍ଗରେ ସହ ହାତ ମିଳାଉଥିବାର ଦେଖାଯାଉଛି ।

𝗔 𝘀𝘂𝗽𝗲𝗿 𝘀𝗵𝗼𝘄 𝘁𝗼 𝘀𝗲𝗮𝗹 𝗮 𝘄𝗶𝗻 𝗶𝗻 𝗖𝘂𝘁𝘁𝗮𝗰𝗸! ✅

The Rohit Sharma-led #TeamIndia beat England by 4⃣ wickets in the 2nd ODI & take an unassailable lead in the ODI series! 👏 👏

Scorecard ▶️ https://t.co/NReW1eEQtF#INDvENG | @IDFCFIRSTBank pic.twitter.com/G63vdfozd5

— BCCI (@BCCI) February 9, 2025

ଭିଡିଓ ଦେଖି ପ୍ରଶଂସକ ଖୁସ୍-

ଭାରତୀୟ ଅଧିନାୟକ ମୁଖ୍ୟମନ୍ତ୍ରୀଙ୍କ ହାତକୁ ଉପରକୁ ଉଠାଇ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି । ଏହା ଦେଖି ପୁରା ଷ୍ଟାଡିୟମ ଲୋକଙ୍କ ତାଳିରେ କମ୍ପି ଉଠିଥିଲା । ମୁଖ୍ୟମନ୍ତ୍ରୀ ପଡ଼ିଆରେ ଉପସ୍ଥିତ ଦର୍ଶକଙ୍କୁ ଜଣେ ବିଜେତା ପରି ଅଭିନନ୍ଦନ ଜଣାଇଥିଲେ । ମ୍ୟାଚ୍ ଦେଖିବାକୁ ଆସିଥିବା ପ୍ରଶଂସକମାନେ ଏସବୁ ଦେଖି ହସି ପାରି ନାହାଁନ୍ତି ।

ଭାରତ ବନାମ ଇଂଲଣ୍ଡ ମ୍ୟାଚ୍‌ର ପରିସ୍ଥିତି କିପରି ଥିଲା ?

ରବିବାର ଦିନ, ଭାରତ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜର ଦ୍ୱିତୀୟ ମ୍ୟାଚ୍ ଓଡ଼ିଶାର କଟକର ବାରବାଟୀ ଷ୍ଟାଡିୟମରେ ଖେଳାଯାଇଥିଲା, ଯାହାକୁ ଟିମ୍ ଇଣ୍ଡିଆ ୪ ୱିକେଟରେ ଜିତିଥିଲା । ଏହି ମ୍ୟାଚ୍‌ରେ ଇଂଲଣ୍ଡ ପ୍ରଥମେ ଖେଳି 304 ରନ୍ କରିଥିଲା । ଜବାବରେ, ଭାରତ ୪୪.୩ ଓଭରରେ ୩୩ ବଲ୍ ବାକି ଥାଇ ୬ ୱିକେଟ୍ ହରାଇ ୩୦୮ ରନ୍ କରି ଲକ୍ଷ୍ୟ ହାସଲ କରିଥିଲା । ଏହି ମ୍ୟାଚ୍‌ରେ ରୋହିତ ଶର୍ମା ୧୨ ଚୌକା ଏବଂ ୭ ଛକା ସହାୟତାରେ ୧୧୯ ରନ୍‌ର ଶତକ ହାସଲ କରି ଫର୍ମକୁ ଫେରିଛନ୍ତି ।