କୋଇଲା ବୋଝେଇ ଟ୍ରେନରେ ଲାଗିଲା ନିଆଁ

ଢେଙ୍କାନାଳ: ବାଲେଶ୍ୱର ବାହାନଗା ଟ୍ରେନ ଦୁର୍ଘଟଣା ପରେ ପରେ ରାଜ୍ୟରେ ବାରମ୍ବାର ଟେନ ଦୁର୍ଘଟଣା ଘଟିବାରେ ଲାଗିଛି । କେତେବେଳେ ଲାଇନ ଚ୍ୟୁତ ତ ଆଉ କେତେବେଳେ ଲୋକଙ୍କୁ ମାଡି ଯାଉଛି ଟ୍ରେନ । ଆଉ ଏବେ କୋଇଲା ବୋଝେଇ ଟ୍ରେନରେ ଲାଗୁଛି ନିଆଁ । ପୁଣି ଏକ କୋଇଲା ବୋଝେଇ ଟ୍ରେନରେ ଲାଗିଛି ନିଆଁ। ଅନୁଗୋଳୁ ସୁକିନ୍ଦା ରେଳ-ଲାଇନର କାମାକ୍ଷାନଗର ଥାନା ରଙ୍ଗମାଟିଆ ଠାରେ ଏକ କୋଇଲା ବୋଝେଇ ଟ୍ରେନରେ ଲାଗିଛି ଏହି ନିଆଁ । ଆଜି ଅପରାହ୍ନରେ ତାଳଚେରରୁ କୋଇଲା ବୋଝେଇ ହୋଇ ଡୁବୁରି ଯାଉଥିବା ବେଳେ ହଠାତ ଟ୍ରେନର ଗୋଟିଏ ବଗିରେ ନିଆଁ ଲାଗିଯାଇଥିଲା । ଏସମ୍ପର୍କରେ ରେଳବିଭାଗ ତରଫରୁ କାମାକ୍ଷାନଗର ଅଗ୍ନିଶମ ବାହୀନୀକୁ ଖବର ଦିଆଯାଇଥିଲା । 

କାମାକ୍ଷାନଗର ନିକଟ ରଙ୍ଗ ମାଟିଆ ଠାରେ ଏହି କୋଇଲା ଵୋଝେଇ ଟ୍ରେନଟି ଠିଆ କରାଯାଇଥିଲା । କମାକ୍ଷାନଗରରରୁ ଅଗ୍ନିଶମ ବାହିନୀ ପହଞ୍ଚି ତତକ୍ଷଣାତ ନିଆଁକୁ ଆୟତ ପାଇଁ ଉଦ୍ୟମ କରିଥିଲେ । ତେବେ କେଉଁ କାରଣରୁ ଅଗ୍ନିକାଣ୍ଡ ଘଟିଲା ତାହାର କାରଣ ଜଣାପଡି ନାହିଁ । ଅଗ୍ନିସେବା ଶ୍ରମ କର୍ମଚାରୀମାନେ ପ୍ରାୟ ୩୦ ମିନିଟ ପରିଶ୍ରମ ପରେ ନିଆଁକୁ ଆୟତ କରିଥିଲେ । ତେବେ ଏହି ଟ୍ରେନର ଅନ୍ୟ ବଗି ଗୁଡିକ ସୁରକ୍ଷିତ ଥିବା ଜଣାପଡିଛି । ଟ୍ରେନଟି ଲାଇନ ଉପରେ ଛିଡାହୋଇ ରହିଥିବା ଜଣାପଡିଛି । ଫଳରେ ଏହି ରେଳ ଲାଇନର ଟ୍ରେନ ଚଳାଚଳ ସାମୟିକ ସମୟ ପାଇଁ ବାତିଲ କରାଯାଇଛି ।

ଇଟିଭି ଭାରତ, ଢେଙ୍କାନାଳ