Municipal Election: ପ୍ରତିକ୍ରିୟା ରଖିଲେ ବିଧାୟକ ସୌଭିକ ବିଶ୍ୱାଳ

କଟକ: ଚୌଦ୍ୱାର ପୌର ପରିଷଦରେ ଶେଷ ହୋଇଛି ପୌର ନିର୍ବାଚନ ମତଦାନ । ତେବେ ମୋଟ ୧୯ଟି ୱାର୍ଡରେ କାଉନସିଲର ଓ ପୌର ଅଧକ୍ଷ ପାଇଁ ସରିଛି ମତଦାନ । ସେହିପରି ମୋଟ ୩୮ଟି ବୁଥରେ ୩୫,୯୯୦ ଜଣ ଭୋଟର କରିଛନ୍ତି ମତଦାନ । ତେବେ ପୌର ଅଧକ୍ଷ ପଦ ପାଇଁ ବିଜେଡିରୁ ମାନସୀ ସ୍ଵର୍ଣପ୍ରଭା ସାମଲ, ବିଜେପିରୁ ଦେବସ୍ମିତା ନାୟକ ଓ ସ୍ୱାଧୀନ ପାର୍ଥୀନୀ ପୁଷ୍ପଲତା ପରିଡାଙ୍କ ମଧ୍ୟରେ ହୋଇଛି ଲଢେଇ । ଏହି ଲଢେଇରେ ବିଜେଡି ହିଁ ବାଜିମାତ କରିବ ବୋଲି ସିଧାସଳଖ କହିଛନ୍ତି, କଟକ ଚୌଦ୍ୱାର ବିଧାୟକ ସୌଭିକ ବିଶ୍ୱାଳ । କାରଣ ବିଜୁ ଜନତା ଦଳ ଓଡିଶାରେ ଯେଉଁ ବିକାଶର ମଞ୍ଜି ପୋତିଛି ତାହା ଏବେ ଗଛରେ ପରିଣତ ହୋଇଛି । ଜନ ସମର୍ଥନ ବଳରେ ପୁଣି ଚୌଦ୍ୱାର ପୌର ପରିଷଦ ବିଜେଡି ହାତକୁ ଯିବ ବୋଲି କହିଛନ୍ତି ବିଧାୟକ । କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ