Municipal Election: କଂଗ୍ରେସ ପ୍ରାର୍ଥୀଙ୍କ ଜୋରଦାର ପ୍ରଚାର

ଜଗତସିଂହପୁର: ଜଗତସିଂହପୁର ପୌରାଞ୍ଚଳରେ ଧୀରେ ଧୀରେ ବୃଦ୍ଧି ପାଉଛି ନିର୍ବାଚନୀ ତାତି । ପୌର ଆସନ ଅକ୍ତିଆର କରିବା ପାଇଁ ପ୍ରମୁଖ ୩ ରାଜନୈତିକ ଦଳ ପକ୍ଷରୁ ପ୍ରଚାର ଆରମ୍ଭ ହୋଇଛି । ଭୋଟରଙ୍କୁ ମନେଇବା ଲାଗି ପ୍ରାର୍ଥୀ ଘରକୁ ଘର ବୁଲି ଭୋଟ ଭିକ୍ଷା କରୁଛନ୍ତି । ଜଗତସିଂହପୁର ପୌର ନିର୍ବାଚନରେ ବିଜେପି, ବିଜେଡି ଓ କଂଗ୍ରେସ ପ୍ରାର୍ଥୀଙ୍କ ମଧ୍ୟରେ ତ୍ରିମୁଖୀ ପ୍ରତିଦ୍ବନ୍ଦିତା ହେଉଛି । ଲୋକଙ୍କୁ ନିଜ ଆଡକୁ ଆକୃଷ୍ଟ କରିବା ପାଇଁ ବିଭିନ୍ନ ଫନ୍ଦା ଅପଣାଉଛନ୍ତି ବିଭିନ୍ନ ରାଜନୈତିକ ଦଳ । ଗତ ପଞ୍ଚାୟତ ନିର୍ବାଚନରେ ଧରାଶାୟୀ ହୋଇଥିବା କଂଗ୍ରେସ ଦଳ ଦୁଇଟି ପୌର ପରିଷଦ ନିର୍ବାଚନରେ ଭଲ କରିବ ବୋଲି ଆଶା କରିଛନ୍ତି ଜିଲ୍ଲା କଂଗ୍ରେସ ସଭାପତି ନଟବର ବାରିକ । ତେବେ ଆଜି ଜଗତସିଂହପୁର ପୌରାଞ୍ଚଳର 18 ନମ୍ବର ୱାର୍ଡରେ କଂଗ୍ରେସ ଜୋରଦାର ପ୍ରଚାର ଚଳାଇଛି । ଅନ୍ୟପଟେ ପ୍ରାର୍ଥୀଙ୍କ ସହ ଅଧିକ ଆଲୋଚନା କରିଛନ୍ତି ଆମ ଜଗତସିଂହପୁର ପ୍ରତିନିଧି ସୁଶାନ୍ତ କୁମାର ପାତ୍ର ।