ରାଜ୍ୟରେ ଅସୁରକ୍ଷିତ ମହିଳା, ସରକାରଙ୍କ ଉପରେ ବର୍ଷିଲେ ବିଜେପି ନେତ୍ରୀ

ଭୁବନେଶ୍ବର: ଭଦ୍ରକ ଚାନ୍ଦବାଲି ଥାନା ଅଧୀନରେ ମହିଳାଙ୍କ ଉପରେ ବିଜେଡି ଗୁଣ୍ଡାଙ୍କ ହିଂସାତ୍ମକ ଆକ୍ରମଣ ଘଟଣା । ମାମଲା ସମ୍ପର୍କରେ ଜାଣିବା ପରେ ଗତ 10 ତାରିଖରେ ବିଜେପି ମହିଳା ମୋର୍ଚ୍ଚା ସଭାନେତ୍ରୀ ସ୍ମୃତି ପଟ୍ଟନାୟକଙ୍କ ତତ୍ବାବଧାନରେ ଏକ ଟିମ ଘଟଣାସ୍ଥଳକୁ ଗସ୍ତ କରିଥିଲା । ହେଲେ ଟିମ ସେଠାରେ ଉପଲବ୍ଧ କରିଥିବା ଅନୁଭୂତି ଆଶ୍ଚର୍ଯ୍ୟଜନକ ଥିଲା ବୋଲି ବିଜେପି ମହିଳା ସଭାନେତ୍ରୀ ସ୍ମୃତି ପଟ୍ଟନାୟକ କହିଛନ୍ତି । ସୋମବାର ଆୟୋଜିତ ସାମ୍ବାଦିକ ସମ୍ମିଳନୀରେ ସେ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ଉତୁକୁଡ଼ା ପଞ୍ଚାୟତରେ ଘଟିଥିବା ଘଟଣାର ସମସ୍ତ ତଥ୍ୟ ସେଠାର ମହିଳାଙ୍କ ତାଙ୍କୁ କହିଛନ୍ତି । ବିଜେଡି ଗୁଣ୍ଡାଙ୍କ ଆକ୍ରମଣରେ କାହାର ହାତ ଭାଙ୍ଗିଛି ତ କାହା ଶରୀରରେ କ୍ଷତାକ୍ତ ଚିହ୍ନ ରହିଛି । ଏପରିକି ଅନେକ ଲୋକ ବାସହୀନ ହୋଇଛନ୍ତି । ଘଟଣାକୁ ବୟାନ କରିବା ସମୟରେ ପଞ୍ଚାୟତବାସୀଙ୍କ ମନରେ କୋକୁଆ ଭୟ ଦେଖାଦେଇଥିଲା ।