ସ୍ୟାଣ୍ଡ ଆନିମେସନରେ ଘୋଷଯାତ୍ରା

ପୁରୀ: ପବିତ୍ର ରଥଯାତ୍ରା ଉପଲକ୍ଷେ 1 ମିନିଟ 35 ସେକେଣ୍ଡର ବାଲୁକା ଆନିମେସନ ଫିଲ୍ମ ପ୍ରସ୍ତୁତ କରିଛନ୍ତି ବାଲୁକା ଶିଳ୍ପୀ ମାନସ ସାହୁ । ଏହି ବାଲୁକା ଆନିମେସନରେ ପ୍ରଭୁ ଜଗନ୍ନାଥଙ୍କ ପାଇଁ କିପରି ରଥ ନିର୍ମାଣ ହେଉଛି । କିପରି ପ୍ରଭୁ ଶ୍ରୀ ମନ୍ଦିରରୁ ସେବାୟତଙ୍କ ଦ୍ବାରା ପହଣ୍ଡି ହୋଇ ବାହାରି ବଡଦାଣ୍ଡରେ ସାରା ସଂସାରକୁ ଦର୍ଶନ ଦେବା ପାଇଁ ଆସିଛନ୍ତି । ଏବଂ ବିଶ୍ବର ସମସ୍ତ ଦୁଃଖ ନିବାରଣ କରିବା ପାଇଁ ଆଗେଇ ଆସିଛନ୍ତି ବଡଦାଣ୍ଡକୁ ତାହା ଦର୍ଶାଛନ୍ତି | ସେ ନିଜ ଚକା ଆଖିରେ ସାରା ବିଶ୍ବକୁ ଦେଖୁଛନ୍ତି । ଏବଂ ବାହୁ ମେଲାଇ ସମସ୍ତଙ୍କୁ ରକ୍ଷା କରୁଛନ୍ତି । ତାହା ଅତି ସୁନ୍ଦର ଭାବରେ ଦର୍ଶାଇଛନ୍ତି | ଏଥିରେ ମାନସ ସାହୁ ନୂଆ ଟେକ୍ନୋଲୋଜି ବ୍ୟବହାର କରିଛନ୍ତି । ଯେଉଁଥିରେ ମହାରଣାମାନେ ରଥ ନିର୍ମାଣ କରୁଥିବାର ଦୃଶ୍ୟ, ରଥ ବଡଦାଣ୍ଡରେ ଗଡୁଥିବାର ଦୃଶ୍ୟ ଅତି ଚିତାକର୍ଷକ ହୋଇପାରିଛି | 1ମିନିଟ 35 ସେକେଣ୍ଡର ଫିଲ୍ମଟିକୁ ପ୍ରସ୍ତୁତ କରିବାକୁ ମାନସ ସାହୁଙ୍କୁ 2 ଦିନ ଲାଗିଥିଲା |