ବଦଳିବ ବାଙ୍କୀ ମୁହାଣ ଦୃଶ୍ୟ, ବେଳାଭୂମି ସୌନ୍ଦର୍ଯ୍ୟକରଣ କାର୍ଯ୍ୟ ଆରମ୍ଭ

ପୁରୀ: ବଦଳୁଛି ବାଙ୍କୀ ମୁହାଣର ଦୃଶ୍ୟ । ବେଳାଭୂମିର ସୌନ୍ଦର୍ଯ୍ୟକରଣ ପାଇଁ ଆରମ୍ଭ ହୋଇଛି ପ୍ରୟାସ । ପ୍ରଥମ ପର୍ଯ୍ୟାୟରେ ପୋଲ ନିର୍ମାଣ କରି ଗୋଲଡେନ ବିଚ୍‌ ସହିତ ବାଙ୍କୀ ମୁହାଣ ବେଳାଭୂମିକୁ ଯୋଡା ଯାଇଛି । ଦୁଇ ବେଳାଭୂମି ମଧ୍ୟରେ ଏକ ଜଳାଧାରା ଯାଇଥିବାରୁ ଏହା ଅଲଗା ହୋଇ ରହିଥିଲା । ପର୍ଯ୍ୟଟକମାନେ ଏଠାକୁ ଯିବାକୁ ଅସୁବିଧାର ସମ୍ମୁଖୀନ ହେଉଥିଲେ । ଏହା ଯୋଡା ଯିବା ଫଳରେ ପର୍ଯ୍ୟଟକମାନେ ଏଣିକି ସିଧାସଳଖ ଗୋଲଡେନ ବିଚ୍‌ରୁ ବାଙ୍କୀ ମୁହାଣ ବିଚ୍‌କୁ ଯାଇପାରିବେ ।