Municipal corporation: ଛତ୍ରପୁରରେ ଜମିଲାଣି ବିଜେଡି ପ୍ରଚାର

ବ୍ରହ୍ମପୁର: ପୌର ନିର୍ବାଚନକୁ ନେଇ ସାରା ରାଜ୍ୟର ସହରାଞ୍ଚଳ ରାଜନୀତି ସରଗରମ । ନିର୍ବାଚନ ତାରିଖ ପାଖେଇ ଆସୁଥିବାବେଳେ ପ୍ରଚାର ମୈଦାନକୁ ଓହ୍ଲାଇଛନ୍ତି ହେଭିୱେଟ ପ୍ରାର୍ଥୀ। ଗଞ୍ଜାମ ଜିଲ୍ଲାର ବିଭିନ୍ନ ଏନଏସି ଓ ମ୍ୟୁନିସପାଲଟିରେ ଦଳୀୟ ପ୍ରାର୍ଥୀଙ୍କ ପ୍ରଚାର ଜୋରଦାର ଦେଖିବାକୁ ମିଳିଛି। ଅନ୍ୟପଟେ ଗଞ୍ଜାମ ଜିଲ୍ଲାର ସଦର ମହକୁମା ଛତ୍ରପୁର ଏନଏସିରେ ବିଜୁ ଜନତା ଦଳର ପ୍ରାର୍ଥୀମାନେ ନିଜର ଜୋରଦାର ପ୍ରଚାର ଆରମ୍ଭ କରିଛନ୍ତି । ଚଳିତ ନିର୍ବାଚନରେ ଛତ୍ରପୁର ଏନଏସିରୁ ବିଜେଡ଼ି ଦଳରୁ ଅଧ୍ୟକ୍ଷା ପ୍ରାର୍ଥୀ ଭାବେ ଟି.ଲକ୍ଷ୍ମୀ ପ୍ରତିଦ୍ବନ୍ଦିତା କରୁଥିବାବେଳେ ୧୨ ନଂ ୱାର୍ଡରୁ ବି.ନିଶ୍ଚଳା ନିର୍ବାଚନ ଲଢ଼ୁଛନ୍ତି । ଜନକଲ୍ୟାଣ ମୂଳକ ପ୍ରତିଶୃତି ଦେଇ ଘରକୁ ଘର ବୁଲି ଭୋଟ ଭିକ୍ଷା କରିବାରେ ଲାଗି ପଡ଼ିଛନ୍ତି । ପଞ୍ଚାୟତ ନିର୍ବାଚନରେ ବିଜୁ ଜନତା ଦଳକୁ ସାଧାରଣ ଜନତାଙ୍କ ଅନେକ ସମର୍ଥନ ମିଳିଥିବା ବେଳେ ଭୋଟ ହାର ମଧ୍ୟ ବହୁ ମାତ୍ରାରେ ବୃଦ୍ଧି ପାଇଛି । ଏଣୁ ସାଧାରଣ ଜନତା ପୌର ନିର୍ବାଚନରେ ମଧ୍ୟ ସେହିପରି ଛତ୍ରପୁର ସହରରେ ଅଧିକରୁ ଅଧିକ ସମର୍ଥନ କରିବ ବୋଲି ପ୍ରାର୍ଥୀ ଆଶାବାଦୀ ଅଛନ୍ତି । ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ