Municipal Election 2022: ଶେଷ ଦିନରେ ବିଜେଡିର ନିଆରା ଢଙ୍ଗରେ ପ୍ରଚାର

ଭୁବନେଶ୍ବର: ରାତିପାହିଲେ ପୌର ନିର୍ବାଚନ । ଆଉ ଶେଷ ଦିନରେ ଦେଖିବାକୁ ମିଳିଥିଲା ପାର୍କରେ ପ୍ରଚାର । ତେବେ ବିଧିବଦ୍ଧ ପ୍ରଚାର ସରିଯାଇଥିବା ବେଳେ ଶେଷ ଦିନରେ ମଧ୍ୟ ବିଭିନ୍ନ ଦଳୀୟ ପ୍ରାର୍ଥୀ ପ୍ରଚାର ମଇଦାନରେ ଭିନ୍ନ ଭିନ୍ନ ସ୍ଥାନରେ ଭିନ୍ନ ଭିନ୍ନ ଶୈଳୀକୁ ଆପଣେଇଛନ୍ତି । ବିଜେଡି ମେୟର ପ୍ରାର୍ଥୀ ସୁଲୋଚନା ଦାସ ଆଜି ସକାଳେ ସତସଙ୍ଗ ବିହାର ସ୍ଥିତ ଶ୍ଯାମାପ୍ରସାଦ ମୁଖାର୍ଜୀ ପାର୍କରେ ବୁଲି ବୁଲି ପ୍ରଚାର କରିଥିଲେ। ମର୍ଣ୍ଣିଂ ୱାକରେ ଆସିଥିବା ସହରବାସୀ ତଥା ବରିଷ୍ଠ ନାଗରିକଙ୍କୁ ଭେଟି ଭୋଟ ଭିକ୍ଷା କରିଛନ୍ତି । ତାଙ୍କ ସହ ସ୍ଥାନୀୟ ଉତ୍ତର ବିଧାୟକ ତଥା ସୁଶାନ୍ତ ରାଉତ ସମେତ ବିଜେଡି କର୍ମୀ ସାମିଲ ହୋଇଥିବା ଦେଖିବାକୁ ମିଳିଥିଲା । ଭୁବନେଶ୍ବରରୁ ଦେବସ୍ମିତା ରାଉତ , ଇଟିଭି ଭାରତ