କନ୍ଧମାଳରେ ଟ୍ରେଡ ୟୁନିୟନ ପକ୍ଷରୁ ବନ୍ଦ ପାଳନ

ଫୁଲବାଣୀ: କନ୍ଧମାଳରେ ଆଜି ଟ୍ରେଡ ୟୁନିୟନ ପକ୍ଷରୁ ଦୁଇଦିନିଆ ସର୍ବଭାରତୀୟ ଧର୍ମଘଟ ହୋଇଥିଲା । ଏନେଇ କନ୍ଧମାଳ ଜିଲ୍ଲା ଫୁଲବାଣୀରେ ଏଆଇୟୁଟିୟୁସି, ସିପିଏମ, କୃଷକ ସଂଘ, ବ୍ୟାଙ୍କ ସଂଘଙ୍କ ପକ୍ଷରୁ ବିକ୍ଷୋଭ କରାଯାଇଥିଲା । ବିକ୍ଷୋଭ ପୋଷ୍ଟାଲ ଆଇପିଓ ଠାରୁ ନେଇ ମାଦିକୁଦା ଛକ ଯାଏଁ ପରିଦର୍ଶନ କରାଯାଇଥିଲା । ଧର୍ମଘଟରେ ସାରା ଦେଶରେ ୪ଟି ଶ୍ରମ କୋର୍ଡକୁ ପ୍ରତ୍ୟାହାର କରିବା, ସରକାରୀ ଉଦ୍ୟୋଗ ଘରୋଇକରଣ ବନ୍ଦ କରିବା, ସର୍ବନିମ୍ନ ମଜୁରୀ ୨୬ ହଜାର ଟଙ୍କା କରିବା, ସମସ୍ତ ଏନଏମଆର, ଠିକା କର୍ମଚାରୀଙ୍କୁ ଚାକିରିରେ ସ୍ଥାୟୀ କରିବା ଦାବିରେ ବିକ୍ଷୋଭ କରାଯାଇଥିଲା । କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ