ଆସୁଛି ମକର ସଂକ୍ରାନ୍ତି, ଗୁଡ଼ିରେ ଦୁଷ୍କର୍ମ ବନ୍ଦ କର ବାର୍ତ୍ତା ଦେଲେ ସୁରଟ ବ୍ୟବସାୟୀ

ଗାନ୍ଧୀନଗର: ଆସୁଛି ମକର ସଂକ୍ରାନ୍ତି । ଏଥିପାଇଁ ଏବେଠୁ ଦୋକାନ ବଜାରରେ ପସରା ମେଲାଇଲାଣି ରଙ୍ଗ ବେରଙ୍ଗର ଗୁଡି଼ । ଏହାରି ଭିତରେ ଗୁଜୁରାଟ ସୁରଟର ଜଣେ ବ୍ୟକ୍ତି ନିଆରା ଗୁଡି଼ ତିଆରି କରି ଚର୍ଚ୍ଚାକୁ ଆସିଛନ୍ତି । ସେ ଏହି ଗୁଡିରେ ''ଦୁଷ୍କର୍ମ ବନ୍ଦ କର'' ବାର୍ତ୍ତା(Stop Rape Message) ଦେଇଛନ୍ତି । ଗୁଡି଼ଟିର ଲମ୍ବ ୮ ଫୁଟ ରହିଛି । ଏହାକୁ ତିଆରି କରିଥିବା ବ୍ୟକ୍ତି ହେଉଛନ୍ତି ଅଜୟ ରାଣା ଓ ସେ ଜଣେ ଗୁଡି଼ ବ୍ୟବସାୟୀ ଅଟନ୍ତି । କିଛି ଦିନ ତଳେ ସୁଟରରେ ଜଣେ ୭ ବର୍ଷୀୟା ନାବାଳିକାକୁ ଦୁଷ୍କର୍ମ ପରେ ହତ୍ୟା କରାଯାଇଥିଲା । ଏହାକୁ ଦୃଷ୍ଟିରେ ରଖି ଦୁଷ୍କର୍ମ ବନ୍ଦ ପାଇଁ ସାମାଜିକ ବାର୍ତ୍ତା ଦେବା ଉଦ୍ଦେଶ୍ୟରେ ସେ ଏହି ବିଶାଳ ଗୁଡି଼ ପ୍ରସ୍ତୁତ କରିଛନ୍ତି ।