ଭୁବନେଶ୍ୱରରେ ଦୌଡିଲେ CBI ଅଫିସର

ଭୁବନେଶ୍ବର: ରାଜଧାନୀରେ ଫିଟ ଇଣ୍ଡିଆ ପାଇଁ ନିଆରା‌ ପ୍ରୟାସ । ଭୁବନେଶ୍ବରରେ ସିବିଆଇ ଅଧିକାରୀଙ୍କ ଗଣ ଦୌଡ । ସିବିଆଇ ଅଫିସ ଠାରୁ ଏକ ଗଣ ଦୌଡରେ ବାହାରି ପହଞ୍ଚି ଥିଲେ ରାଜଭବନରେ । ତେବେ କେନ୍ଦ୍ର ସରକାରଙ୍କ ଫିଟ ଇଣ୍ଡିଆକୁ ଗୁରୁତ୍ବ ଦେଇ ଏଭଳି ପ୍ରୟାସ ଜାରି ରଖିଥିଲେ ସିବିଆଇର କର୍ମଚାରୀ । ଭୁବନେଶ୍ବର ସିବିଆଇ ଅଫିସର ଏହି ଗଣ ଦୌଡରେ ସାମିଲ ହୋଇଥିଲେ କିଛି ସ୍କୁଲ ପିଲା ଏବଂ ଫିଟ ଇଣ୍ଡିଆକୁ ଗୁରୁତ୍ବ ଦେଉଥିବା ସାଧାରଣ ଲୋକେ । ଏନେଇ ସିବିଆଇ ଏସଏସପି ଏମଭି ସୁର୍ତ୍ତି କହିଛନ୍ତି, ଫିଟ ଇଣ୍ଡିଆ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଏଭଳି ଏକ ଆୟୋଜନ କରାଯାଇଛି । କେବଳ ନିଜେ ସୁସ୍ଥ ରହିବା ତା ନୁହେଁ ସମସ୍ତେ ସୁସ୍ଥ ରହିବା ନେଇ ଏହି ପ୍ରୟାସ ଜାରି ରଖାଯାଇଛି । ଇଟିଭି ଭାରତ, ଭୁବନେଶ୍ବର