ହାଇଦ୍ରାବାଦ: ନିଦ୍ରା ଦୈନନ୍ଦିନ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ । ଯଦି ରାତିରେ ଠିକ୍ରେ ନିଦ ହୋଇନଥିବ, ତେବେ ପୁରା ଦିନ ଭଲ ଲାଗିନଥାଏ । ଅନେକ ଅଧ୍ୟୟନରେ ଏହା ପ୍ରକାଶ ପାଇଛି ଯେ, ଜଣେ ବ୍ୟକ୍ତି ରାତିରେ 7ରୁ 8 ଘଣ୍ଟା ଶୋଇବା ଆବଶ୍ୟକ । କମ୍ ଶୋଇଥିବା ଲୋକଙ୍କଠାରେ ଚିନ୍ତା, ଉଦାସୀନତା ଏବଂ ଅନ୍ୟାନ୍ୟ ମାନସିକ ରୋଗ ଦେଖାଯାଏ । ଏଥି ସହିତ, ବର୍ତ୍ତମାନ ଏକ ନୂତନ ଅଧ୍ୟୟନ ଅନୁସାରେ ଯେଉଁମାନେ କମ୍ ଶୋଇଛନ୍ତି ସେମାନଙ୍କ ପାଇଁ ଅଧିକ ଚିନ୍ତା ବଢାଇ ଦେଇଛି । ଏକ ନୂତନ ଅନୁସନ୍ଧାନ ଶ୍ବାସକ୍ରିୟା ଜନିତ ରୋଗ ଆସ୍ଥମା ସହ ନିଦ୍ରାହୀନତାର ଲିଙ୍କ୍ ଥିବା ଜଣାପଡିଛି ।
ଯେଉଁମାନେ କମ୍ ଶୋଇଛନ୍ତି ସେମାନଙ୍କ ଉପରେ ନିକଟରେ ଏକ ଅଧ୍ୟୟନ କରାଯାଇଥିଲା । ଅଧ୍ୟୟନରେ ଶୋଇବା ଶୈଳୀ ପରିଲକ୍ଷିତ ହୋଇଥିଲା । ଅନୁସନ୍ଧାନକାରୀମାନେ ରିପୋର୍ଟ କରିଛନ୍ତି ଯେ, ଯେଉଁମାନେ କମ୍ ଶୋଇଥିଲେ, ସେମାନେ ଅନ୍ୟମାନଙ୍କ ଅପେକ୍ଷା ଶ୍ବାସକ୍ରିୟା ଜନିତ ରୋଗ ଆସ୍ଥମାରେ ଆକ୍ରାନ୍ତ ହୋଇଥିଲେ । ସେମାନଙ୍କଠାରେ ଶ୍ୱାସରୋଗର ଆଶଙ୍କା ବୃଦ୍ଧି ପାଇଥିବା ଅନୁସନ୍ଧାନରୁ ଜଣାପଡିଛି । ତେବେ ଆସ୍ଥମା କଣ, କାହିଁକି ହୁଏ ଏବଂ ଏହାର ଚିକିତ୍ସା ବାବଦରେ ଜାଣନ୍ତୁ
ଏହା ମଧ୍ୟ ପଢନ୍ତୁ:- Eye Disease: ଛୋଟ ପିଲାଙ୍କ ମୋବାଇଲ୍ ନିଶା ବୃଦ୍ଧି କରୁଛି ଆଖି ରୋଗ
ଆସ୍ଥମା କଣ ? ଜୀବିତ ରହିବାକୁ ଜଣେ ବ୍ୟକ୍ତି ପରିବେଶରୁ ଅମ୍ଳଜାନ(ଅକ୍ସିଜେନ୍) ନିଏ ଓ କାର୍ବନ ଡାଇଅକ୍ସାଇଡ୍(ଅଙ୍ଗାରକାମ୍ଳ) ମୁକ୍ତ କରେ । ଅମ୍ଳଜାନ ସମେତ ଅନ୍ୟାନ୍ୟ ଗ୍ୟାସ୍ ନାକ ଏବଂ ପାଟି ଦେଇ ଶରୀରକୁ ଯାଇଥାଏ । ଶ୍ବାସନଳୀ ନାକରୁ ଫୁସଫୁସକୁ ଅମ୍ଳଜାନ ପହଞ୍ଚାଏ । ଯେତେବେଳେ କୌଣସି ସଂକ୍ରମଣ, ଥଣ୍ଡା କିମ୍ବା ଅନ୍ୟ କୌଣସି କାରଣରୁ ଆଲର୍ଜି ହୁଏ, ସେତେବେଳେ ଶ୍ବାସନଳୀ ସଙ୍କୁଚିତ ହେବାକୁ ଲାଗେ କିମ୍ବା ଏହି କାରଣରୁ ଫୁସଫୁସ କାମ ବନ୍ଦ କରିଦିଏ, ତେବେ ଏହି ସମସ୍ୟାକୁ ଆସ୍ଥମେଟିକ୍ କୁହାଯାଏ ।
କିପରି ଚିକିତ୍ସା କରିବେ ? ଜୁଆଣିକୁ ପାଣିରେ ଫୁଟାଇ ବାଷ୍ପ ଗ୍ରହଣ କରିବା, ପ୍ରାଣାୟାମ, ଅନୁଲୋମ-ବିଲୋମ, କପାଳଭାତୀ ପରି ଯୋଗ, ବ୍ଲାକ୍ କଫି ପିଇବା, ଅଦା ଖାଇବା, ଉପଯୁକ୍ତ ଶୋଇବା, ପୁଷ୍ଟିକର ଖାଦ୍ୟ ଗ୍ରହଣ କରିବା ଏବଂ କମ୍ ଥଣ୍ଡା ଜିନିଷ ଖାଦ୍ୟ ଖାଇବା ଦ୍ୱାରା ଆସ୍ଥମାକୁ ରୋକାଯାଇପାରିବ । ଯଦି କୌଣସି ବିଶେଷ ସମସ୍ୟା ଥାଏ ତେବେ ତୁରନ୍ତ ଡାକ୍ତରଙ୍କ ପରାମର୍ଶ କରିବା ଉଚିତ୍ ।
Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଅତ୍ୟନ୍ତ ଆବଶ୍ୟକ ।
