ସୁନ୍ଦରଗଡ: ଜିଲ୍ଲାର ବେଦବ୍ୟାସ ଅଞ୍ଚଳରେ ଥିବା ସମିଲ ଛକରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । ବାଇକ ଓ ଟ୍ରଲର ମୁହାଁମୁହିଁ ଧକ୍କା ହେବା ଫଳରେ ସ୍ବାମୀ ସ୍ତ୍ରୀଙ୍କ ମୃତ୍ୟୁ ହୋଇଛି ।
ଟ୍ରଲର ଓ ବାଇକ ମୁହାଁମୁହିଁ ଧକ୍କା
ସୂଚନାଅନୁସାରେ, OR-14D-6112 ନମ୍ବର ବିଶିଷ୍ଟ ଏକ ବାଇକରେ ସ୍ବାମୀ ସ୍ତ୍ରୀ ଯାଉଥିବା ବେଳେ ବିପରୀତ ଦିଗରୁ ଆସୁଥିବା OD-14D-3652 ନମ୍ବର ବିଶିଷ୍ଟ ଏକ ଟ୍ରଲର ସେମାନଙ୍କୁ ଧକ୍କା ଦେଇଥିଲା । ଘଟଣାସ୍ଥଳରେ ବାଇକ ଚାଳକଙ୍କର ମୃତ୍ୟୁ ହୋଇଥିଲା । ବାଇକରେ ଥିବା ମହିଳାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ଲୋକ ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି କରିଥିଲେ ।
ସେଠାରେ ମହିଳାଜଣଙ୍କ ଚିକିତ୍ସାଧୀନ ଅବସ୍ଥାରେ ଆଖି ବୁଜିଛନ୍ତି । ବ୍ରାହ୍ମଣୀ ତରଙ୍ଗ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ମୃତକ ଦୁଇଜଣଙ୍କର ପରିଚୟ ମିଳି ପାରିନାହିଁ । ଭଭୟଙ୍କ ମୃତଦେହକୁ ମର୍ଗ ହାଉସରେ ରଖାଯାଇଥିବା କୁହାଯାଇଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିିଭି ଭାରତ
