ସମ୍ବଲପୁର: 7 ହଜାର ଟଙ୍କା ଲାଞ୍ଚ ନେଇ ପୁଣି ଭିଜିଲାନ୍ସ ଜାଲରେ ଜଣେ ସରକାରୀ ବାବୁ । ଗିରଫ ସରକାରୀ ଅଧିକାରୀ ହେଲେ ସମ୍ବଲପୁର କୃଷି କାର୍ଯ୍ୟାଳୟର ବରିଷ୍ଠ କିରାଣୀ ସଚ୍ଚିଦାନନ୍ଦ ଦୋରା ।
ଭିିଡିଓ ସୌଜନ୍ୟ :ସମ୍ବାଦଦାତା, ସମ୍ବଲପୁର
ସୂଚନାନୁସାରେ, ସମ୍ବଲପୁର ଲଇଡା ଅଞ୍ଚଳର ଜଣେ ବ୍ୟକ୍ତି କୀଟନାଶକ ଓ ସାର ଦୋକାନ କରିବାକୁ ଲାଇସେନ୍ସ ପାଇଁ ସମ୍ବଲପୁର ଜିଲ୍ଲା କୃଷି କାର୍ଯ୍ୟାଳୟକୁ ଆସିଥିଲେ । ମାତ୍ର ତାଙ୍କୁ ବାରମ୍ବାର କାର୍ଯ୍ୟାଳୟକୁ ଡାକି ହଇରାଣ କରିବା ସହ ଲାଇସେନ୍ସ ପାଇଁ ତାଙ୍କୁ 8 ହଜାର ଟଙ୍କା ଦେବାକୁ କହିଥିଲେ ସଚ୍ଚିଦାନନ୍ଦ । ପରେ 7 ହଜାର ଟଙ୍କାରେ ଲାଇସେନ୍ସ ଦେବାକୁ ସେ ରାଜି ହୋଇଥିଲେ ।
ତେବେ ଏନେଇ ବ୍ୟକ୍ତି ଜଣକ ସମ୍ବଲପୁର ଭିଜିଲାନ୍ସ ଅଫିସରେ ଅଭିଯୋଗ କରିଥିଲେ । ଅଭିଯୋଗକୁ କେନ୍ଦ୍ର କରି ମଙ୍ଗଳବାର ସମ୍ପୃକ୍ତ କିରାଣୀ ସଚ୍ଚିଦାନନ୍ଦ ଦୋରାକୁ ଗିରଫ କରି କୋର୍ଟ ଚାଲାଣ କରାଯାଇଥିବା ନେଇ ସମ୍ବଲପୁର ଭିଜିଲାନ୍ସ ଡିଏସପି ପରମେଶ୍ବର କିଷାନ୍ କହିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
