ପୁରୀ: ଡକାୟତ ଗ୍ୟାଙ୍ଗକୁ ଧରିଲା ପୋଲିସ 6 ଗିରଫ । ପୁରୀ ଜିଲ୍ଲା ଗୋପ ଥାନା ଏକ ଡକାୟତ ଗ୍ୟାଙ୍ଗକୁ ଗିରଫ କରିଛ । ଗୋପ ଥାନା ଏରବଙ୍ଗ ଗ୍ରାମରୁ ଗତ ଅକ୍ଟୋବର 30 ତାରିଖ ରାତିରେ ୨ ଜଣ ବ୍ୟକ୍ତିଙ୍କ ଘରୁ ସୁନା, ରୁପା, ଟିଭି, ମୋବାଇଲ, ବାଇକି ଚୋରି ହୋଇଥିଲା । ତେବେ ଏହି ଘଟଣାରେ ପୋଲିସ ତଦନ୍ତ କରି ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି ।
ସୂଚନା ଅନୁଯାୟୀ ଗତ ମାସରେ ସେହି ଗ୍ରାମର ତାପସ ଏବଂ ଦୀପକଙ୍କ ଘରୁ ସ୍କାଏଲାଇଟ ଭାଙ୍ଗି ଚୋରି ହୋଇଥିବା ନେଇ ଗୋପ ଥାନାରେ ଅଭିଯୋଗ ହୋଇଥିଲା । ଗୋପ ଥାନା ଅଧିକାରୀ କାଳନ୍ଦୀ ବେହେରା ବିଶେଷ ସୂତ୍ରରୁ ଖବର ପାଇଁ ଗତ କାଲି ଏରବଙ୍ଗ ଗ୍ରାମରେ ଚଢ଼ାଉ କରି ଗୋପନାରାୟଣ ସେଠୀ, ଉତ୍ତମଭୋଇ, ରିଙ୍କୁରାଜ ଭୋଇ, ବାଦଲ ଭୋଇ, ଗୋବିନ୍ଦ ଚନ୍ଦ୍ର ମହାପାତ୍ର ଓ ତରଣୀ ଜେନା, ଗିରଫ କରି ପଚରାଉଚରା କରାଯିବା ପରେ ସମସ୍ତ ତଥ୍ୟ ପଦାକୁ ଆସିଥିଲା ।
ଏହା ପରେ ବିଭିନ୍ନ ସ୍ଥାନରେ ବିକ୍ରି ଓ ଘରେ ରଖିଥିବା ୬୫ ଗ୍ରାମ ସୁନା ୭୨୦ ଗ୍ରାମ ରୂପା ଅଳଙ୍କାର, ନଗଦ ୪୮ ହଜାର ଟଙ୍କା, ଗୋଟିଏ ଏଲ୍ ଡି ଟିଭି, ଡିଜିଟାଲ କ୍ୟାମେରା, ହିରୋହଣ୍ତା ମୋଟର ସାଇକେଲ ଓ ମୋବାଇଲ୍ ସହିତ ଆଉ କେତେକ ଘର କରଣା ସାମଗ୍ରୀକୁ ପୋଲିସ ଜବତ କରିଥିଲା। ଏହା ସହ ୬ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
