ନୟାଗଡ: ଜିଲ୍ଲାରେ କାଳ ବୈଶାଖୀ କାଳ । ବ୍ରଜାଘାତରେ ଜଣେ ନାବାଳିକା ମୃତ ହୋଇଥିବାବେଳେ 2 ଜଣ ନାବାଳିକା ଆହତ ହୋଇଛନ୍ତି । ଏଭଳି ଏକ ଘଟଣା ଦେଖିବାକୁ ମିଳିଛି ଓଡଗାଁ ଥାନା ବାଉଁଶଗାଡ଼ିଆରେ l
ଆଜି(ବୁଧବାର) ଅପରାହ୍ନରେ ବର୍ଷା ପବନ ହେବାରୁ ଆମ୍ବ ଆଣିବା ପାଇଁ ୩ ଜଣ ନାବାଳିକା ଆମ୍ବ ତୋଟାକୁ ଯାଇଥିଲେ । ଏହି ସମୟରେ ବଜ୍ରାଘାତ ହୋଇଥିଲା l ଫଳରେ ସେହିଠାରେ ହିଁ ତିନିଜଣ ନାବାଳିକା ପଡିଯାଇଥିଲେ l ସେଠାରୁ ସଙ୍ଗେ ସଙ୍ଗେ ୩ ଜଣଙ୍କୁ ନୟାଗଡ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା l ମାତ୍ର ପରେ ପୂଜାରାଣୀ ସେଠି(12)ଙ୍କୁ ଡାକ୍ତର ମୃତ ଘୋଷଣା କରିଛନ୍ତି । ଅନ୍ୟ ଦୁଇଜଣ ନାବାଳିକା ଚିକିତ୍ସାଧୀନ ଅଛନ୍ତି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
