ନୟାଗଡ: ହୃଦରୋଗରେ ପୀଡିତ ମା' ଛେଉଣ୍ଡ ଦେଢ଼ ବର୍ଷର ପୁଅ । ହେଲେ ବାପାଙ୍କ ଆର୍ଥିକ ଅବସ୍ଥା ଖରାପ ଥିବାରୁ ଚିକିତ୍ସା ହୋଇପାରୁନାହିଁ । ଫଳରେ କଷ୍ଟ ଯନ୍ତ୍ରଣା ମଧ୍ୟରେ ଜୀବନ ଜୀଉଁଛି ନୟାଗଡ଼ ତାଳକଣି ଗ୍ରାମର ମାଗୁଣି ବେହେରାଙ୍କ ଦେଢ଼ ବର୍ଷର ପୁଅ ।
ମାଗୁଣିଙ୍କ ପାଖେ ଅର୍ଥର ଅଭାବ ଥିବାରୁ ନିଜ ପୁଅର ଚିକିତ୍ସା କରିପାରୁନାହାଁନ୍ତି । ଭୁବନେଶ୍ୱର ଏମ୍ସରେ ପୁଅକୁ ଦେଖାଇବା ପରେ ଓଡ଼ିଶା ବାହାରେ ଅପରେସନ କରିବାକୁ ପଡ଼ିବ ବୋଲି ଡାକ୍ତର କହିଛନ୍ତି । ମାଗୁଣି ଜଣେ ଦିନ ମଜୁରିଆ ଓ ଚାଷୀ ଅଟନ୍ତି । ନିଜ ବିଲ ବାଡ଼ିରେ କାମ କରିବା ସହ ମଜୁରୀ ଲାଗନ୍ତି । ସେଥିରୁ ମିଳୁଥିବା ଅର୍ଥରେ ନିଜେ ଏବଂ ନିଜର ଛୁଆଙ୍କୁ ଚଳାନ୍ତି ।
ପତ୍ନୀ ପ୍ରଭାସିନୀ ବେହେରାଙ୍କ ଅକାଳ ମୃତ୍ୟୁ ପରେ ମାଗୁଣିଙ୍କ ମୁଣ୍ଡରେ ଚଡ଼କ ପଡିଥିଲା। ଏବେ ପିଲାଙ୍କ ଭବିଷ୍ୟତ କିପରି ଗଢିବେ ସେ କଥା ଭାବି ଭାବି ଦିନ ଗଡ଼ୁଛି । ମାଗୁଣିଙ୍କ ଦୁରାବସ୍ଥାକୁ ଦେଖି କିଛି ସ୍ଵେଛାସେବୀ ଅନୁଷ୍ଠାନ ସହାୟତାର ହାତ ବଢ଼ାଇଛନ୍ତି ।
ତେବେ ଯଦି ଅପରେସନ ପାଇଁ ପ୍ରଶାସନ ତୁରନ୍ତ ବ୍ୟବସ୍ଥା କରିବ ତେବେ ମାଗୁଣିଙ୍କ ପୁଅ ନୂଆ ଜୀବନ ଜୀଇଁବ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
