ନୟାଗଡ଼: ଜିଲ୍ଲା ପୋଲିସ ବିଭାଗରେ ବଡ଼ ଧରଣର ଅଦଳବଦଳ ହୋଇଛି । ନୟାଗଡ ଜିଲ୍ଲାର ବିଭିନ୍ନ ଥାନାରୁ ୭ ଜଣ ଏସଆଇ ଏବଂ ୧୭ ଏଏସଆଇଙ୍କ ବଦଳି ହୋଇଥିବା ଜଣାଯାଇଛି । ସୂଚନାନୁସାରେ, ଚାନ୍ଦପୁର ଥାନା ଏସଆଇ ଏସ୍.ଏସ ହୋରୋଙ୍କ ରଣପୁର ଥାନାକୁ ବଦଳି ହୋଇଥିବା ବେଳେ ନୟାଗଡ଼ ଟାଉନଥାନା ଏସଆଇ ଏଚ.ଏମ ସାମଲଙ୍କର ଡିଆଇବିକୁ ବଦଳି ହୋଇଛି ।
ସେହିଭଳି ରଣପୁର ଥାନା ଏସଆଇ ବିଦିତା ନାୟକଙ୍କର ନୟାଗଡ଼ ଟାଉନଥାନା ଏବଂ ନୟାଗଡ଼ ଟାଉନଥାନ ଏସଆଇ ସ୍ମୃତିରଞ୍ଜନ ମହାନ୍ତିଙ୍କର ସଦରଥାନାକୁ ବଦଳି ହୋଇଛି । ତେବେ ସଦରଥାନା ଏସଆଇ ସନ୍ତୋଷ ଦାଶଙ୍କର ନୟାଗଡ଼ ଟାଉନଥାନାକୁ ବଦଳି ହୋଇଥିବା ବେଳେ ଖଣ୍ଡପଡ଼ା ଥାନା ଏସଆଇ ପି.କେ ଦେଓଙ୍କୁ କଣ୍ଟିଲୋ ଫାଣ୍ଡି ଦାୟିତ୍ବ ପ୍ରଦାନ କରାଯାଇଛି ।
ଗଣିଆ ଥାନା ଏସଆଇ ସାରାଦା ନାୟକଙ୍କୁ ସଦରକୋର୍ଟକୁ ବଦଳି କରାଯାଇଛି । ସେହିଭଳି ଭାବେ ଏଏସଆଇମାନଙ୍କ ମଧ୍ୟରେ ଅଶୋକ କୁମାର ମହାନ୍ତି ସଦରଥାନା, ଏନ ବାହିନିପତି ମାଳିସାହି ଫାଣ୍ଡି, କେ.ବି ମଲ୍ଲିକ ନୟାଗଡ଼ ଟାଉନଥାନା, ରାଜେନ୍ଦ୍ର କହଁର କୋସକା ଫାଣ୍ଡି, ଏସସି ମିଶ୍ର ନୟାଗଡ଼ ଟାଉନଥାନା, ଶିବ ପ୍ରସାଦ ପ୍ରଧାନ ନୂଆଗାଁ, ନୂଆଗାଁ ଥାନାରେ କାର୍ଯ୍ୟରତ ପି.କେ ନନ୍ଦଙ୍କୁ ଇଟାମାଟି ଥାନା, ଦଶପଲ୍ଲା ଥାନା ସଇନୁଲ ଖାଁ କୁରାଳ. ଏସ କେ ସାହୁ ଦଶପଲ୍ଲା, ଏ. ଟି ବେହେରା ଖଣ୍ଡପଡ଼ା, ବି.କେ ଦାଶ ଫତେଗଡ଼, ଆର.ସି ସାହୁ ଦଶପଲ୍ଲା, ପିକେ ବେହେରା ଚାନ୍ଦପୁର, ଏସ କେ ସୁବୁଦ୍ଧି ସଦର ଥାନା, ଏନ ମହାପାତ୍ରଙ୍କୁ ଖଣ୍ଡପଡ଼ା ଥାନାକୁ ବଦଳି କରାଯାଇଛି l ଜିଲ୍ଲା ଆରକ୍ଷୀ ଅଧିକ୍ଷକ ପ୍ରତ୍ୟୁଷ ଦିୱାକରଙ୍କ ନିର୍ଦେଶକରେ ଏଭଳି ବଦଳି ହୋଇଥିବା ସୂଚନା ମିଳିଛି
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
