ନବରଙ୍ଗପୁର: ଜିଲ୍ଲାରେ ପୁଣି ୩ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସମସ୍ତ ଆକ୍ରାନ୍ତ ବିଏସଏଫ ଯବାନ ମହାରାଷ୍ଟ୍ର ଫେରନ୍ତା ବୋଲି ଜଣାପଡିଛି ।
ଗୁରୁବାର ଜିଲ୍ଲାରେ ୭ ଜଣ ଆକ୍ରାନ୍ତ ଚିହ୍ନଟ ହୋଇଥିବାବେଳେ ସେଥିମଧ୍ୟରୁ ୪ ଜଣ ବିଏସଏଫ ଯବାନ ଥିଲେ । ଶୁକ୍ରବାର ପୁଣି ୩ ଜଣ ବିଏସଏଫ ଯବାନ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ସମସ୍ତ ଚିହ୍ନଟ ଯବାନ ୧୦ ଦିନ ପୂର୍ବରୁ ମହରାଷ୍ଟ୍ରରୁ ଫେରି କ୍ବାରେନଣ୍ଟାଇନରେ ରହିଥିଲେ । ଏମାନଙ୍କୁ ନବରଙ୍ଗପୁର ସ୍ଥିତ କୋଭିଡ ମେଡିକାଲରେ ରଖି ଚିକିତ୍ସା କରାଯାଉଥିବା ଜିଲ୍ଲାପାଳ ସୂଚନା ଦେଇଛନ୍ତି ।
ଶୁକ୍ରବାର ଚିହ୍ନଟ ହୋଇଥିବା ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୧୨ରେ ପହଞ୍ଚିଛି । ସେଥିମଧ୍ୟରୁ ୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ବର୍ତ୍ତମାନ ମୋଟ ୧୦ଟି ମାମଲା ସକ୍ରିୟ ରହିଛି ।
ନବରଙ୍ଗପୁରର ତପନ ବିଷୋୟୀ, ଇଟିଭି ଭାରତ
